Ата-ана парызын өтеу сенің қарызың

Тәрбие сағатының мақсаты: а) Оқушылар бойына осы тәрбие сағаты арқылы сүйіспеншілікті, жылылықты ұялату. Ата-анасын құрмет тұтып, адал да парасатты ұл мен қыздар болуға тәрбиелеу. Ата-ананың алдындағы жауапкершіліктерін түсініп құрметтеуге баулу.
Тәрбие сағатының көрнекілігі:  ата-ана туралы мақал-мәтелдер, ұлағатты сөздер, хадистер,балалардың  ата-аналарының суреттері

Тәрбие сағатының барысы:

І.Ұйымдастыру кезеңі.

ІІ.Көрнекілік арқылы түсініктеме беру және тақырыптың барысында кіріспе сөз сөйлеу, мақсатын түсіндіру.

ІІІ.Бейнекөрініс көрсету

             ІҮ.   Ата-анаға ақ тілек

Ү. Қорытынды

Мұғалім: Армысыздар ардақты ұстаздар, ардақты ата-аналар!

«Ата-ана парызын өтеу сенің қарызың» атты 7 сыныбының ашық тәрбие   сағатын бастауға

рұқсат етіңіздер!

Сәния:

Анаға арнап ақ тілектер айтар күн,

Әкеге арнап, марапатты бастар күн.

Бүгінгі күн мәңгі есте сақтар күн.

Бүгінгі күн есінде мәңгі жастардың.

Наурызбай:

О, Ата-анам!

Таянышым, тірегім!

Бар бақытты бір басыңа тіледім

Бізді жақсы болсын екен деп қашанда

Лүпілдейді сенің қамқор жүрегің.

Сәния:Әке-шешенің бала алдындағы борышын санасақ сан жетпейді. Бұлардың біразына тоқталатын болсақ: жастығын, денсаулығын, күш-қуатын жұмсап, тоғыз ай жүрегінің астында ұстап, өмірге әкелген, емізген және дені сау, тәрбиелі, әдепті етіп өсірген ананы көз алдымызға елестетіп бір көрейікші!

Ән.Ана туралы жыр

Алмат:Әке деген баласының азық-түлігін тауып тәрбиелеу үшін, оймен де, денемен де, қиыншылықтардан бет бұрмаған. Ақындарымыз жырлағандай, әкенің де баласына деген сүйіспеншілігінің шексіз екендігіне күмән жоқ.

Ән:Әке туралы жыр

Ерехан: Ата-ана алдындағы әдептілік – баланың бармақтай кезіне бойына табиғи дарыған қасиет болуға тиіс. Ата-ананы сыйлау – елді сыйлау. Ата-әжесін құрметтеу — өмірді құрметтеу.

Хормен: Қымбатты ата-ана, ұстаздар!

Біздің борышымыз – Сіздерді құрметтеу.

Алмат:Алдымен сүй, ардақта ата-анаңды

Үлгілі ұрпақ атадан бата алады.

Бар жақсылық балаға бұл ғаламда,

Мейірімінен ананың жасалады.

Жырақ жүрген анасын сағынған,

Ата-анаға сәлем айтқан ән-жырдан.

Екеуінің қуанышы тілегі,

Әрқашанда бір арнадан табылған.

ән:ата-ана

Сәния: Ендігі кезекте ата-ана туралы дана сөздерді жеткізуші ұрпақтарға құлақ түрсек.

Азамат: Ұл-қыз, ата-анасын, үлкендерді қуанышқа бөлеп, бақытқа кенелтем десе, алдымен әдепті болулары керек. Өз жұмыстарын адал да тыңғылықты атқарса, ата-ананың ұл-қызы болып өседі.

Наурызбай: Ата-ананы сыйлау  — сәби шағында олар өзіңді қалай бағып қақса, қартайғанда оларды да солай алақанға салып, аялап күту керек.

Алмат: Ата-ананың көңілін еш ренжітуші болма, олардың жүрегіне қайғы түсіруші болма.

Сәния: Ата-анасын ұмытқан бала опасыздың опасызы, рақысыздың рақымсызы. (Ғ. Мұстафин).

Ата-ананың қадірін білмеген, халық қадірін білмейді.

Ерехан: Түн ұйқысын төрт бөлген, түнде бесік таянып, түнде шошып оянған ананың ақ мейірімін, ерекше бағаламасаңдар, ол – қорлық.

Ардақты ана,аяулы ана қымбаттым,

Тәтті ұйқыңды бөліп,талай түн қаттың.

Өміріме нәр береді ақ сүтің,

Кең құшағың-аясындай гүл бақтың.

Мен өзіңмен қайда болсам біргемін,

Махаббатың жүрегімде жүр менің.

Күн нұрындай жадырай бір күлгенің

Қандай жақсы ортамызда жүргенің

Қуанып көз алдыңда жүргеніме.

О,ана ,жетсе екен бар өмірің ,

Қартайған шағымды да бір көруге

Ән: Абзал ана

«Қарт пен бала әңгімесі» көрініс.

           Сәния: Біздің қазақ әр сөзді тұспалдап та, туралап та, астарлап та жеткізген халық. Ата-ана туралы қаншама мәнді де маңызды сөздер айтылады. Сонымен бірге ата-ана туралы хадистерді білетін оқушыларымызды тыңдап көрейік.

Азамат:Алла-тағала былай бұйырады: «Кінәлардың ішінде бір кінә бар, менің жанымдағы ең үлкен және ауыр кінә, ол әке-шешесі баласын шақырған кезде әміріне мойынсынбау, келмеуі.

Әке-шешесі баласын шақырған кезде қандай жұмыспен айналыссаң да, олардың әміріне жүгіну керек. Әке-шешең саған ашуланып айқайласа да, сен оларға ешнәрсе айтпа. Әке-шешеңнің дұғасын, рахметі мен батасын алғың келсе, саған берген міндеттерін жылдам және жақсылап істеуге тырыс. Сенің бұл ісің олардың көңілінен шықпай, саған теріс дұға етулерінен қорық. Ата-анам сырқат болса, олармен бірге болып, жәрдем ет. Оларды ренжітіп теріс дұғаларын алсаң, дүние дәне ақиреттік жаза болады. Сондықтан олардың тірі кезінде қадірін біл».

 Наурызбай: Алла-тағала «Исра» сүресінің 22-аятында былай деп бұйырған: «Алла өзіне ғана ғибадат етулеріңді, әке-шешеге жақсылық қылуларыңды әмір етті. Ал егер де сол екеуінің бірі немесе екеуі де кәрілікке жетсе, «Уф» деме, яғни кейіс келтірме, сондай-ақ ол екеуіне зекіме де, екеуіне де сыпайы сөз сөйлепкішірейіп, мархабат құшағын жай да: иә, Аллам, ол екеуі мені кішкентайдан тәрбиелегендей, сен де оларды мархабатыңа бөлей көр деп айт».

Кино фильмнен үзінді көрсету «Ата-ананың ақысы»

1.Ата –ананың ақысы немен өлшенеді?

2. «Ата-анаңа не қылсаң алдыңа сол келер» дегенді қалай түсінесің

Сәния:Мұсылмандардың екі маңызды міндеттері бар.Бірі тек қана Аллаға ғибадат ету.Екіншісі,Алланың жарақаттарына мейірім-шапақат көрсету.алланың жаратқандарына адам баласы үшін ең жақыны әке менен шеше болмақ. Өйткені бізді жарық дүниеге әкеліп қана қоймай бағып,ер жеткізіп, тәрбиелеп өсірген адамдар.Олар бала-шағаларын бала-шағаларын бағып-қағудан бедел күтпегендей,бұнықиыншылық-ауыртпашылық деп сезінбеген,шын пейілдерімен  беріле істеген,өздері ішпегендерін балаларына ішкізіп,кимегендерін оларға кигізген адамдар.Олар балаларының жайлы өмір сүруі үшін еш нәрселерін аямаған жандар.

Міне осы себептерге байланысты,дініміз әке-шешемізге байланысты,дініміз әке-шешеге немқұрайды қарап,құрметсіздік көрсетуге тыйым салған және бұны үлкен күнә деп есептеген.

Бұл жайында Пайғамбарымыз (с.а.у) былай деген:

«Ауыр күнәлар-Алланы басқаға теңеу, әке мен шешеге қарсы шығу, адам өлтіру және жалған уәде беру» (Бұхари, Иман, 16)

«Кешірімге келмейтін үш нәрсе бар: Аллаға серік қосу, әке-шешеге құрметсіздік көрсету және соғыстан қашу». (Ат-Тарғиб уат-Тарһиб, 3т.)

«Алланың ризасы-әке-шешенің ризасы. Алланың азабы әке-шешенің азабынан келеді». (Тирмизи, Бирр, 3).

Ерехан:Әке-шешеге әсіресе, жасы ұлғайған кездерінде көрсетілген қызмет бір адамның жәннатқа кіруіне, ал, құрметсіздік көрсету жаннаттан айырылып, тозаққа кіруіне себеп болады.

Сол себептен де Пайғамбарымыз (с.а.у.):

«Қорлық көрсін, (яғни азап отына түссін), тағы қорлық көрсін, тағы да қорлық көрсін!»-деген екен.

Қасындағылар:

—                            Ол кім болды екен, уа Алланың Пайғамбары?-деп сұрағанда, Пайғамбарымыз (с.а.у.): «Әкесі мен шешесінің бірі немесе екеуі қолында қартайса да, жәннатқа кіре алмағанда»-деп жауап қайырған (Мүслім, Бирр, 3).

Әке-шеше- қызмет етілуге  және сый-құрмет  көрсетілуге  лайық адамдар. Оларды ренжітетін әрқандай әрекеттен аулақ болу керек. өйткені олар біздің тіренішіміз. Ешқандай бір сылтау оларға деген сый-құрметті әлсіретпек емес.

Кино фильмен үзінді «Қарттар үйі»

1.Ата-аналардың қарттар үйіне қоныс аударуына не себеп болады?

Оқушылар пікірін тыңдау

Ән: Ата -ана

„Көшеде қалаған ана тағдыры„кино фильмен үзінді

Көшеде қалған ананың тағдырына кім жауапты?

              Оқушылар пікірін тыңдау

Азамат:

Адамдықтың ашқан соң қақпасын кеп,

Туған елің сүйсіне мақтасын деп.

Пәк сезіммен тілеймін адамдардың,

Анасының ақ сүтін ақтасын деп.

Сәния: Борыш – ата-анаға, үлкен ұстаздар мектебіне қызмет жасап, әкенің еңбегін, ананың ақ сүтін өтеу. Егер нағыз адам болсақ, ең әуелі ата-ана алдындағы борышты өтеу мақсатын қоямыз. Құрметті әке-шеше, атыңа кір келтірмеуге ант етемін!

Әкем –анам жасыл бағым жайнаған,

Сол бағыңда асыр салып ойнағам

Пәк жүрекпен жыр жазды перзентің

Бар тілегі тек сіздерге арналған

Оқушылардың ата-аналарға арнаған ақ тілектері

Қорытынды:

   Сонымен балалар біз бүгін сендермен бірге үлкен тақырып аясында ой бөлістік.Білмеген- дерімізді бір-бірімізден үйреніп білдік.Ата-ана ардақтау хақында айтылған хадистерді оқып талдадық.Осының барлығы ата-аналардың арқасы. Ол үшін алдымен ата-анамызды ардақтап,құрметтеп,сыйлау біздің басты міндетіміз екенін ұмытпайық.