Берікболова Зайра Серғазықызы
«Мақаншы орта мектеп-бақша”
КММ бастауыш сынып мұғалімі
Берікболова Зайра Серғазықызы
Сабақтың тақырыбы: Ү дыбысы
Сабақтың мақсаты:
1. Ү дыбысы мен әріпін таныстыру.
2. Сөз, сөйлем туралы түсініктерін кеңейту. Ойлау қабілетін, зейінін, қол моторикасын дамыту.
3. Дыбыс пен әріпті ажырата білуге, сауаттылыққа тәрбиелеу.
Әдіс-тәсілдері: көрнекілік, сөздік, ойын, слайд
Көрнекі құралдар: текшелер, әріптер, суреттер, жұлдызшалар.
Сабақтың түрі: жарыс сабақ
Сабақтың барысы:
І. Ұйымдастыру
-Балалар, бізге бүгін қонақтар келіпті. Алдымен дұрыстап амандасып алайық.
ІІ. Шаттық шеңбері
Бәріміз ортаға шығып, шаттық шеңберіне тұрайық. Енді бір-бірімізге сәттілік тілейік.
ІІІ. Өткен сабақтарды еске түсіру
· Топқа бөлу (суреттерді құрастыру арқылы топтың атын анықтау);
1-топ: Өрік 2-топ: Өрмекші 3-топ: Көбелек
· Дыбыстық талдау
-Балалар, осы сөздерге дыбыстық талдау жасайық.
Өрік -4 дыбыс, 4 әріп, 2 буын.
Ө-дауысты
Р– дауыссыз
І– дауысты
К-дауыссыз
Өрмекш -6 дыбыс, 6 әріп, 3 буын
Ө– дауысты
Р– дауыссыз
М- дауыссыз
Е- дауысты
К- дауыссыз
Ш- дауыссыз
І- дауысты
Көбелек -7 дыбыс, 7 әріп, 3 буын
К- дауыссыз
Ө- дауысты
Б- дауыссыз
Е- дауысты
Л- дауыссыз
Е- дауысты
К– дауыссыз
· «Кім жылдам» ұяшықтан сөздерді оқу
Көрік, көлік, өрік, көмек, өмір, көмір
· Сергіту сәті
ІV. Жаңа сабақ
Жұмбақ шешу
-Балалар, әр топқа жұмбақ жасырам, шешкен топ жұлдызшаға ие болады.
1 топ. Күндіз соқыр не деген,
Түнде қандай көреген. (үкі)
2 топ. Көрмедім еш үйіңді,
Қолданбас бұл бұйымды.
Жазып қыртыс-тыртысты,
Жаңалайды киімді. (үтік)
3 топ. Иір-иір денесі,
Сахараның кемесі.
Ащы шөптер тамағы,
Шөлге шыдап бағады. (түйе)
Ү дыбысымен таныстыру
-Балалар, жұмбақтардың шешуі қай дыбыстан басталып тұр.
-Дұрыс. Ендеше бүгін Ү дыбысымен танысамыз.
-Кәне барлығымыз айтып көрейікші. Қалай естілді.
-Ендеше бұл дауысты дыбыс. Қызыл текшемен белгілейміз.
«Сөз ойла, тез ойла»
-Балалар, қазір барлығымыз ойын ойнайық. Ү дыбысынан басталатын сөздерді немесе ү дыбысы кездесетін сөздер ойлап табайық. Қай топ көп айтады екен.
Суретпен жұмыс.
-Балалар мына суреттегі ата кім?
-Бұл Сүгір – күйші.
-Сүгір өткен ғасырда өмір сүрген күйші. Ол көбінесе шертпе күйлер шығарған. Оның «Шалқыма», «Телқоңыр», «Бозінген», «Қосбасар» күйлері көпке танымал.
-Балалар осы күйлердің бірін тыңдағыларың келеме? Қазір бізге Жандостың апасы осы күйден үзінді тартып берсін. (күйі тыңдалады)
-Мына сөйлемді кім оқи алады?
-Сүгір – күйші.
Ү дыбысының жазылуын тақтада, ауада көрсету.
Дәптермен жұмыс
-Балалар дәптерлеріңді ашып, қарындаштарыңды алып, ү дыбысының бірінші жолын жазайық.
Сергіту сәті «Молекула» ойыны
Суретпен жұмыс
Гүл, үйрек, үйдің суретіне сөйлем құрап, оны талдату. Тақтаға сызба арқылы жаздырту.
V. Қорытынды
«Кім тапқыр» ойыны
VІ. Марапаттау
-Енді жұлдызшаларымызды санайық. Қай топ жеңіске жетті?
-Жеңіске жеткен топты қол шапалақтап құттықтайық.
VІІ. Отшашу