Кешірімділік көңіл кеңдігі

Семей қаласы «КММ» №22 жалпы орта білім беретін мектебі

Өзін – өзі тану пәні мұғалімі

Шырай Сакеновна Турашева

Пәні:Өзін-өзі тану.

Сыныбы:8

Тақырыбы: Кешірімділік-көңіл кеңдігі.

Құндылық:Дұрыс әрекет.Қасиет:Кешірімділік ең жақсы қасиеттердің бірі

Мақсаты: Кешірімділіктің адам бойындағы жақсы қасиет екенін түсіндіру.

Міндеттері:

– «кешірім», «кешірімділік» туралы түсіндіру;

– Айнала қоршаған адамдарға кешіріммен қарауға дағдыландыру;

– Кешірімділікке тәрбиелеу.

Тыныштық сәті.

Оқушының жүрек соғу ырғағы мен тыныс алуын реттеу үшін «Тыныштық сәті» әдіс-тәсілін қолданады. Тыныштық сәті толықтай тыныштықта өткізіледі, баяу музыка қоюға болады.Мұғалім төмендегідей мәтінді айтып тұрады.

– Балалар, денелеріңді түзу ұстап, бастарыңды жоғары көтеріп, ыңғайланып отырыңдар,көздеріңді жұмсаңдар да болады.Өздеріңнің тыныс алуларыңды бақылап, бақытқа , махаббат пен тыныштыққа толы таза ,шипалы ауаның тұла бойларыңа толғанын сезініңдер.Ал енді көздеріңді ашыңдар!

Оқу ақпараты.

Өкпе,реніш-адамның көңіл күйіне,денсаулығына кері әсер етеді.Айналаңа ылғи өкпелеп,ренішпен қарау,риза болиау түрлі ауруларға шалдықтырады.

Мәтінмен жұмыс.

Мұқағали Мақатаевтың «Күндестік құрысын» өлеңінен берілген үзіндімен танысады.Сұрақтар қоюға болады.

– Адамдар арасындағы реніштің тууына не себеп болады?

– Адам адамға тек қуаныш сыйлауы керек деген пікірмен келісесің бе?

Дәйексөз.

« Сүйегі жоқ балық болмайтыны сияқты,кемшілігі жоқ адам да болмайды».

Тапсырма.

Берілген өлең жолдарын оқыңдар.Ондағы ой тұжырымдарды көзқарас-себеп-мысал-қорытындылау әдісін пайдаланып,өз пікірлерін айту керек.

Өзіммен-өзім.

Көздеріңді жұмып,манаураған қалыпқа келіңдер.Демдеріңді ішке алып,сыртқа шығарыңдар және сонаң соң аз үзіліс жасаңдар.Енді,ойша өз іштеріндегі бүгінгі реніш-өкпелеріңе болашақтан көз тастап көріңдер.Мейлі бір жылдан кейін,бес жылдан,он жылдан кейін болсын.Музыка қосуға болады.

Түйіндеме.

Кешірімділік-мейірімділік,ақылдылық,ізгілік,рахымдылық,адамгершілік,азаматтық,ақкөңілді–лік.

Тышыштық сәті.Оқушының жүрек соғу ырғағы мен тыныс алуын реттеу үшін «Тыныштық сәті» әдіс-тәсілін қолданады. Тыныштық сәті толықтай тыныштықта өткізіледі, баяу музыка қоюға болады.