Қазақ тілінің грамматикасы
Бекмырзақызы Күнімай
Қызылорда облысы, Шиелі ауданы, Ы.Жақаев ауылы
№149 «Қызылту» орта мектебінің
қазақ тілі мен әдебиеті пәнінің мұғалімі
«Қазақ тілінің грамматикасы» таңдау курсының бағдарламасы
Түсінік хат
Мектептің жоғары сатысында бағдарлы оқытудың негізгі мақсаты –
жоғары сынып оқушыларының кәсіптік бейімділігіне,қызығушылығына,таңдауына қарай саралап оқыта отырып,орта және жоғары кәсіптік білім беру мекмелерімен сабақтастықты қалыптастыру.
Білім беру бағдарламаларындағы жеке пәндерді тереңдетіп оқыту.
Бұл мақсаттарды жүзеге асыру мектептің педагогикалық ұжымының алдына үлкен міндет жүктейді.
Адам –қоғамның дамуына үлес қосатын саналы тіршілік иесі.Ол өзінің алдына жоспралы мақсаттар қойып,оған қол жеткізуді армандайды.Тіршілік иелерінің қарым-қатынасы тілдің қатысуымен жүзеге асрылады.Олай болса,тіл –қоғамды қозғаушы күштің бірі, ұлт тірегінің күретамыры.