Математика әлеміне саяхат

Абдрахманова Аманқыз Бабасқызы

Мектеп алды даярлық сыныбының мұғалімі

Боран Нысанбаев орта мектебі

Атырау қаласы, Бірлік елді мекені

Сабақтың тақырыбы: Математика әлеміне саяхат

Сабақтың мақсаты: Балалардың санау дағдыларын дамыту, 1-10 санына дейін тура, кері санау, логикалық есептер шығаруға үйрету, таным процесін дамыту.

Көрнекі құралдар: 1-10 сандары, үлестірмелі материалдар, алма ағашы,гүлдер, жапырақтар, торғайлардың суреттері, , саяхат жасау, сұрақ қою, ойын.

Пәнаралық байланыс: тіл дамыту, математика, сурет.

Сабақтың барысы:

1.Ұйымдастыру кезеңі.

– Сәлеметсіздер ме, балалар! Қонақтармен сәлемдесейік!

Сәлем – сөздің анасы Сәлеметсіздер ме – қадірменді қонақтар.Қош келдіңіздер – ортамызға! Сәлем – дейміз баршаңызға.

Армысың , ару күн,

Армысың , көк аспан

Армысың , жер ана,

Армысыз қонақтар,

Армысың достарым

Тілейміз, баршаңызға сәттілік.

Сабақтың барысы:

• Бүгін аптаның қай күні?
• Бүгін аптаның 5-ші күні жұма.
• 5 санының санамағын кім айтады?
• Бес дегенім – Берік,

Жақсылық болсын серік,

Жалқау достың , балам,

Соңынан кетпе еріп.

• Кеше нешінші күн болды?
• Кеше аптаның 4-ші күні бейсенбі болды.
• Ал, қане кім айтады 4-санының санамағын?
• Төрт дегенім төзім,

Сабырлы бол өзің,

Ұшқалақ болсаң , балам,

Мәнсіз болар сөзің.

• Ертең нешінші күн?
• Ертең аптаның 6-шы күні сенбі.
• 6-санының санамағын кім айтар екен?
• Алты дегенім – Ақыл,

Болғын ойлы, тапқыр,

Атаң айтса, балам,

Құп алғаның мақұл.

• Балалар қандай сандарға байланысты санамақтар айтылмады?
• 1,2,3,7,8,9,10 – сандарына байланысты санамақтар айтылған жоқ.
• Балалар, дұрыс таптыңдар.
• Бүгін, бәріміз математика әлеміне саяхатқа барамыз.

1-ші тапсырма:

• Алма ағашында неше алма өсіп тұр?
• Алма ағашында 5-алма өсіп тұр.
• Сен – біреуін алдың; неше алма қалды?
• 4-алма қалады.
• Ағаштың басында 7 торғай отыр; екеуі ұшып кетті нешеуі қалды?
• Ағаштың басында бес торғай қалды.
• Жерде әдемі гүлдер өсіп тұр, түстері әр түрлі – кім қандай түсті гүлді алды – ол гүлдің артында есептер берілген, кім тез шығарады?
• Мен көк түсті гүлді алдым.
• Көк түсті гүлдің артындағы есеп – 5 санына 2 санын қосу.
• 5-пен 2-нің қосындысы 7.
• Кім 7 санына байланысты санамақ айтады?
• Жеті дегенім – жеңіс.

Жолым болсын деңіз

Спортшы боп, балам,

Жемісіңді жегіз.

• Балалар, енді «Қандай сан» жоқ ойынын ойналық.
• Мына әртүрлі жапырақта сандар берілген, осылардың ішінде қандай сан жоқ екенін табыңдар.
• 1-10 саны жоқ.
• Ал, қане,кім 1-10 санына байланысты санамақ айтады?
• Бір дегенім білім,

Төрт пен беске ілін

Алып жүргін балам,

Мұғалімнің тілін

• Он дегенім оқу,

Қажет емес қорқу,

Білгеніңді балам,

Көңіліңе тоқу.

• Балалар, саяхатта өздеріңе кездескен пішіндердің , гүлдердің , торғайлардың , алмалардың суретін салыңдар.
• Балалар 4-топқа бөлініп сурет салады.
• Жарайсыңдар балалар!
• Сендерге саяхат ұнады ма?
• Ұнады.

Қорытындылыау: Мадақтау. Балаларды мадақтап, жұлдызшалар, сыйлықтар тарату.Сабақты аяқтау.

– Қане балалар, келген қонақтарды шығарып салайық!

– Тату-тәтті достармыз,

Бірге ойнаймыз – күлеміз,

Достығымыз жарасқан

Біз, бақытты бүлдіршін.

Әрдайымда бәріңіз,

Сау-саламатта болыңыз!

Күтілетін нәтиже санау, логикалық есептер шығару, ұжымдық жұмысқа үйренуі, бір-біріне көмек беруі.