Ә дыбысы мен әрпі

Ақтөбе облысы

Байғанин ауданы

Қарабұлақ орта мектебінің

бастауыш сынып мұғалімі

Амантурлиева Динара Бисенбайқызы

Сабақтың тақырыбы: Ә дыбысы мен әрпі

Сабақтың мақсаты:
Білімділік: Жаңа технологияны қолдана отырып, Ә ә дыбысы мен әрпін таныту, сол арқылы берілген сқздерді оқу мен жазуға үйрету, сөздерге дыбыстық талдау жасату. Дамытушылық: Балалардың шығармашылық қабілетін, ой-өрісін, сөйлеу тілін, сөздік қорын дамыту.
Тәрбиелік: Әдемі, көркем, таза жазуға үйрету, табиғатқа деген сүйіспеншілігін арттырып, жан – жануарларды, құстарды қорғауға, ұйымшылдыққа тәрбиелеу.
Сабақтың түрі: саяхат сабақ
Сабақтың әдісі: Түсіндіру, сұрақ-жауап,қызығушылық ояту..
Сабақтың көрнекілігі: Алфавит, Ә дыбысының таңбасы, суреттер, кеспе әріптер, текшелер, буындар, слайд , Диего мультфильм

Сабақтың барысы
Ұйымдастыру бөлімі
– Назарларын сабаққа аудару.

Шаттық шеңбері

Қуанамын мен де,

Қуанасың сен де,

Қуанайық достарым

Арайлап атқан күнде!

Психологиялық дайындық.

• Екі көз не үшін керек?
• Жақсыларды көру үшін!
• Екі қолың не үшін керек?
• Елге көмек беру үшін!
• Екі құлақ не үшін керек?
• Ақыл – кеңес тыңдау үшін!
• Жүрек деген не үшін керек?
• Жаулардан қорықпау үшін!
• Тіл мен жағың не үшін керек?
• Ақиқатты айту үшін!
• Ал аяғың не үшін керек?
• Шетте жүрсең туған жерге жету үшін!

Мұғалім: Дұрыс, балалар, олай болса сіздердің дендеріңе саулық тілей отырып сабағымызды бастаймыз.

Өткен сабаққа шолу

• Өткен сабақта қандай әріппен таныстық?
• І і дыбысы мен әріпі
• І дыбысы қандай дыбыс?
• Дауысты дыбыс
• Сөздердің қай жерінде кездеседі?
• Басында , ортасында және соңында
• Сөздер айтып буынға бөлейік

Жұмбақ

Бұрап қойған сағаттай,

Айқайлайды таң атпай.

(Әтеш)

Мұғалім: Дұрыс, балалар, «Әтеш» деген сөзді айтқанда ең бірінші қандай дыбыс естіп тұрмыз?

Оқушылар: Ә ә дыбысы мен әрпі

Жаңа сабақ

Бүгінгі жаңадан танысатын әрпіміз «Ә дыбысы мен әрпі»

Біздің сабағымыз ерекше болмақ , себебі сіздер теледидардан көріп жүрген «Диего және оның достары» деп аталатын мултьфилмдегі Диего бізде қонақта.

Слайдпен жұмыс

Мұғалім: Диегомен саяхатқа шығып көптеген тапсырмалар орындаймыз.

Ендеше балалар саяхатқа шығайық. Біздерге болып бірінші маймыл кездесті банан ала алмай отыр екен көмектесейік .

Талдағы бананды алу үшін не істеуіміз керек?

Саты, арқан , бақа үшеуінің қайсысы керек.

Оқушылар өз ойларын айтады

«Ойлан тап» ойыны

Ә дыбысы сөздердің қай жерлерінде кездеседі?

Сәбіз Әтеш Әже

Оқулықпен жұмыс

Әнші мәтінін оқу

Әлім , Сәлім – әнші . Әлім, Сәлім ән салды. Олардың әні тамаша. Әмір , Сәруар ән тыңдады. Достар да ән салды. Олардың даусы да тамаша

Ә дыбысы бар сөздерді тапқызу.

Мұғалім: – Өте жақсы, балалар. Тапсырмаларды орындап маймылға бананады алып бердік.

Ары қарай саяхатты жалғастырамыз. Келесі кездескен балапан. Балапанды жыланнан құтқару керек. Ендеше балапанды анасына қауыштырайық .Диегоның тапсырмасын орындаймыз.

Ә әрпінен сөздер шығару , дыбыстық, буындық талдау жасау.

Мұғалім: Рахмет балалар, балапанды анасына қауыштырдық.

Енді шамалы тынығып алайық.

Сергіту сәті.

Ал, балалар, тұрайық,

Алақанды ұрайық.

Бір отырып, бір тұрып,

Сәл демалып алайық.

Оңға , солға түзеу тұр,

Солға , оңға түзеу тұр.

Алға қарай бір адым,

Артқа қарай бір адым.

Жоғары төмен қарайық,

Орнымызды табайық.

Мұғалім: Ары қарай саяхатымызды жалғастырайық

• Енді кездескен аңымыз не балалар?
• Қоян
• Қоянды қалай құтқарамыз?
• Ол үшін көптеген тапсырмалар орындаймыз.

Диего тапсырмаларына жауап берейік. Ендеше іске сәт!

Мұғалім: Қоянды судан құтқару үшін делфин,тиын,жылан үшеуінің қайсысы қолайлы?

Оқушылар : делфин

Мұғалім: Дұрыс балалар, келесі тапсырма Әтеш сөзіне сөйлем құрастыру.

Мінекей , балалар Қояндыда құтқардық.қоян қуанышты көңіл күйде.

Келесі кездескен Аю балалар. Аюдың тапсырмасын орындамас бұрын бойымызды сергітіп алайық.

Сергіту сәті

Ормандағы аюдың,

Құлпынайы көп екен.

Теріп теріп алайық,

Қалтамызға салайық.

Мұғалім:Орманда бал іздеп жүрген аюды аралар таламақшы құтқару керек. Ендеше іске сәт!

Дәптермен жұмыс

Ә ә дыбысы мен әрпін жаздыру.

Мұғалім : Аюымызды да құтқардық. Аюымыз балға тойып ұйықтап жатыр.

Келесі кезекте көбелектерге өз гүлдерін тауып берейік. Ол үшін Диегоның тапсырмасын орындайық.

Әр қатардағы суреттердің өзгешесін табу.

Суреттен сөйлем құрастыру

Мұғалім: Диегомен бірге саяхатқа шыққан ұнады ма?

Не үйрендік? Не білдік?

Сабаққа жақсы араласқаны үшін барлық оқушыларға «Табиғат қорғаушысы» деген төстаңба беремін.