Тұрақты тіркестерге жаттығу

Қазимова Баян Толегеновна

«№ 9 орта мектеп» мемлекеттік

коммуналдық мекемесі

5- сынып Қазақ тілі .

1. Сабақ тақырыбы – Тұрақты тіркестерге жаттығу .

2.Сабақ мақсаты: а) Тұрақты сөз тіркесінен алған білімдерін тереңдету,

тиянақтау.

ә) өздігінше салыстыру, ой қорытындысын жасай алуға

дағдыландыра отыра ,оқушылардың таным белсенділі-

гін арттыру.

б) сөз құдіретін терең түсініп , орынды қолдана білуге ,

шапшаңдыққа , іскерлікке тәрбиелеу.

3. Сабақ түрі– дәстүрлі сабақ.

4.Сабақ типі- бекіту сабағы.

5. Қолданылатын әдіс- тәсілдері : сұрақ – жауап, СТО, интербелсенді

тақта

6. Пәнаралық байланыс – әдебиет

Сабақ барысы: I. Ұйымдастыру. Сәлемдесу, оқушылар назарын сабаққа аудару, сабаққа қатыстарын тексеру , түгендеу.

IV. Сабақ мақсатын жариялау. Білген сайын келеді , біле бергім ,

Біле беру емес пе тілегі елдің ! – дегендей өткен тұрақты сөз тіркестерін қалай меңгеріп , қандай білімді бойымызға жиғанымызды бекіту тапсырмалары арқылы көрейік.

VII. Бекіту тапсырмалары: Д/к-1. Оқушылардан қойылған сұрақтарға жауап алу.

1.Тұрақты тіркес дегеніміз не?

2. Тұрақты тіркеске тән өзіндік белгілерді атайық ?

1. Бірнеше сөзден тіркеседі 2. Орны қалыпты

3. Фразеологиялық байлаулы 3. Синонимі болады

4. Антонимі болады 5. Бір мағынаны білдіреді

6. Бір сұраққа жауап береді 7. Сыңарларының орнын ауыстыруға болмайды

8. Сыңарларын басқа сөзбен ауыстыруға болмайды 9. Ойды көркемдеп, әсерлеп жеткізу құралы

Д/к-2. Балалық сенен артық күнім бар ма?

Бала күнде бойымда мінім бар ма ?

Бәріне жетем деймін , алсам деймін ,

Жас қиялда тоқталым, тыным бар ма? – дегендей кішкене кезімізден таныс мына бір ертегімен жұмыс жасайық. (интербелсенді тақтадан «Бауырсақ ертегісі» көрсетіледі.) Ертегі мазмұнына сай тұрақты тіркестер ойлап тапқызу, дәптерге жазу. Мысалы: су жүрек, жүрегінің түгі бар, жұмыртқадан жүн қырыққан, жүрегі дүсіл қақты, аяғы-аяғына жұқпады, көпті көрген т.б.

Д/к-3. Оқулықпен жұмыс .116- жаттығу. Мәтінді оқыту .Тұрақты тіркесті теріп жазғызу, мағынаны айқындату.

көңілі түссе көлдей – (мырза) , бала мінезді -(аңқау) , көңілі түспесе шөл-дей- (сараң ), кәрі тарлан – (көпті көрген) т.б.

Д/к-4. Өткеніңді ұмытсаң, өшкеніңнің белгісі.

Өткеніңді еске алсаң , өскеніңнің белгісі