“Кк дыбысы мен әрпі.” (әліппе, 1-сынып)

Маңғыстау облысы

Маңғыстау ауданы

Шетпе селосы

Мекерия Атымов атындағы орта мектептің

ІІ санатты бастауыш сынып мұғалімі Серікбаева Нұргүл Бостанғалиқызы

Сабақтың тақырыбы: “Кк дыбысы мен әрпі.” (әліппе, 1-сынып)

Сабақтың мақсаты:

Білімділік: К дыбысының әріптік таңбалануын, жазылуын таныстыру, ол арқылы берілген сөздерді оқу мен жазуға үйрету, сөздердегі к дыбысын даралау, дыбыстық, артикуляциялық ерекшелігін түсіндіру, сөзге дыбыстық, буындық талдау жасауға, дұрыс буынға бөлуге үйрету;

Дамытушылық: оқушылардың мәтінді түсініп оқып, түсінігін айтып беруін қалыптастыру;

Тәрбиелік: еңбексүйгіштікке, ұқыптылыққа, сауатты, көркем жазуға тәрбиелеу;

Сабақтың көрнекілігі: кеспе әріптер, мазмұнды суреттер, сызбалар, үлестірмелі парақшалар, кесте, қима суреттер, компьютер, презентация, интербелсенді тақта.

Сабақтың түрі: аралас сабақ, жаңа сабақты игеру.

Сабақтың әдісі: көрнекілік стратегиясы, сұрақ-жауап, диалог.

Пәнаралық байланыс: қазақ тілі, математика, ән-күй .

Сабақтың барысы: І. Ұйымдастыру бөлімі.

1. Оқушылармен амандасу.

2. Оқу құралдарын түгендеу.

ІІ. Психологиялық дайындық.

“Жүректен жүрекке” ( Сәттіліктер тілеу, тілек айту)

ІІІ. Үй тапсырмасын тексеру. Өткен тақырыпқа шолу.

1-слайд.

1. Е дыбысы мен әрпі

2. “Емен” мәтінін оқу.

3. “Емен” сөзіне талдау жасату.(Е-мен, 4 әріп, 4 дыбыс,екі буын, 2 дауыссыз дыбыс, 2 дауысты дыбыс)

4. “Тез ойла, сөз ойла” ойыны. Шарты: Берілген әріптер бойынша сөз ойлау.

2-слайд

Жұмбақ шешу

1. Таңмен көзін ашады, Әлемге нұрын шашады. (Күн)

2. Гүл ұшып гүлге қонады, Гүл-бақшам гүлге толады. (Көбелек)

3. Қабат-қабат қаттама, Ақылың болса аттама. (Кітап)

4. Өзі алып кемедей, Дауылдан ықпайды, Су шашып телегей, Мұхиттан шықпайды. (Кит)

-Міне, балалар, барлық сөздер қандай дыбыстан басталады?

-К дыбысынан басталады. Ендеше, бүгін біз К дыбысымен және әрпімен танысымыз.

2-слайд. Жаңа сабақ.

Қазанның жиырма тоғызы

Кк дыбысы мен әрпі

-Қане, айтып көрейік!

-К-к-к.

-Қандай дыбыс?

-Дауыссыз.

-Иә, балалар, қатаң дауыссыз дыбыс.

-Неге дауыссыз дыбыс?

-Иә, тілдің ортасы таңдайдың орта шеніне нық жабысып, бірден кілт ажырап кетуінен жасалатын дауыссыз дыбыс.

-Кеме, кит, көбелек суреттері арқылы өздеріне таныс емес к дыбысымен таныстыру. “Кеме” сөзіне дыбыстық, буындық талдау жасау. К әрпінің белгілеуі, баспа, жазба түрімен таныстыру, дауыссыз дыбыс екендігін аңғарту.

К дыбысын хормен айтқызу

3-слайд. Оқулықпен жұмыс.

Бағандағы сөздерді оқыту, түсіндіру.

кеме терек мереке кебеже

кесе шелек береке текемет

4-слайд. Сөздік жұмыс

кеме- су көлігі

кесе, шелек–ыдыс түрлері

терек–жаңа өсіп келе жатқан жас ағаш

береке–мұнда”Береке болса, бірлік болады”

кебеже–тамақ сақтауға арналған сандық сияқты ағаш бұйым

текемет–бетіне түрлі-түсті ою-өрнек басылған киіз төсеніш.

4-слайд. “Кеме” мәтіні бойынша жұмыс. Мәтінді оқыту, мағынасына тоқталу.

1. Тізбектеп оқыту.

2. Хормен оқыту.

3. Жеке оқыту.

5-слайд. Сергіту сәті. “Көкек” әнін тыңдау.

6-слайд.

Кебеже, кесе, шелек сөздеріндегі к дыбысының орны, қанша буыннан тұратынын, нешінші буында кездесетінін айтқызу.

7-слайд. Дәптермен жұмыс.

1. К әрпінің жазба түрімен таныстыру.

2. К әрпінің жазылу әдісімен таныстыру.

Жазу дәптеріндегі К әрпінің жазба түрін жазып үйренеміз!

8-слайд. Сабақты қорыту, бекіту.

-Қай дыбыспен таныстық?

-Қандай дыбыс?

-Дыбыс деген не?(Дыбысты айтамыз, естиміз)

-Әріп деген не?(Әріпті жазамыз, көреміз)

9-слайд. Үйге тапсырма.

1. К дыбысына сөздер ойлап келу

2. “Кеме” мәтінін оқу

Мадақтау әдісі бойынша бағалау.