Әліппенің ар жағы- білім шуағы
Сабақтың тақырыбы: Әліппенің ар жағы- білім шуағы
Мақсаты: Білімнің бастауы болған «Әліппеден» үйренгендерін тиянақтау. Өнерлерін тамашалау.Әліппе оқулығына оқушылардың ерекше құрметі,бағасы,мектеп өміріндегі оқулықтың орнын түсінуге,Тәуелсіздігіміздің ұландары екендерін ұғындыру.Білімдерінің артып,сөз байлығының молайып,саналарының өскендерін көрсету. Отанын,мектебін,ұстаздарын,ата-аналарын құрметтеуге тәрбиелеу.
Көрнекілігі: Интерактивті тақта, шарлар, әріптер макеті,көрініске қажетті заттар, Әліппе және Ана тілі оқулықтарының макеті.
Сабақ барысы:
Залда көңілді музыка ойналып тұрады. Сахнада орындықтар доғал болып орналасқан.Жүргізушілер сахнаның сол жағында тұрады.
1-жүргізуші:
Қыр гүліндей жайнаймыз,
Ән сап,билеп ойнаймыз.
Бүгін бізде мереке,
Әліппе тойын тойлаймыз.
2-жүргізуші:
Тал шыбықтай бойына,
Әдемі көйлек жарасар.
Ортада біздің сүйікті,
Балдырған балғын балалар.
Музыка баяу ойналады,оқушылар екі-екіден қол ұстасып сахнаға шығып орындықтардың алдында тұрады.
1-жүргізуші:
Әліппе деген – алтын жол
Апарар сені алысқа
Жеңіл емес,ауыр жол
Тырысып бақ намысқа.
1-жүргізуші:
Тәуелсіздік бабалардың ұраны,
Бұл уақытта бойға таққан тұмары.
Тәуелсіздік – түлектерде тұншығып,
Ызғар ұрып жанбай қалған шырағы.
2-жүргізуші:
Қазақстан сан ғасырлық тарихы бар,
Қазақстан – бұл азат ел, танысыңдар.
Көк байрағы,елтаңбасы,әнұраны
Қазақ елі егеменді,сан жұрты бар дей келе,бүгінгі:
Бірге: Әліппемен аштық білім есегін,Тербетеміз Тәуелсіз ел бесігін атты Әліппемен қоштасу ертеңгілігімізге хош келдіңіздер.
1-жүргізуші:
Шұқшитқан кеп әуелі Суреттері әдемі
Сені әрбір әріпке Бұл қай кітап?
Хормен: Әліппе!Әліппе! (Ортаға әліппе шығады.)
Әліппе:
Менің атым әліппе
Мені анаңдай дәріпте
Мені оқытып ержеткен
Апаң менен ағаңда,
Әкең менен анаңда,
Шопан, биші ұстаз да,
Ғарышкер де аспаз да.
Барлық,барлық жақсы да
Әліппеден басталған.
Хор: «Әліппе»
1-жүргізуші:
Уа, халайық,халайық
Мұнда назар салайық
Қайсы биші ,кім күйші?
Талабына қарайық
2-жүргізуші: Кәне достар: Әліппеден не үйрендік,не білдік? Келіңіздер, ортаға салайық. «Әліппеге мың алғыс» бөлімі.
Асыл: Бар әріпті үйреткен –
Міне менің әліппем
Жақсы оқимын сабақты,
Әріптерді танып мен.
Алмаз: Келгенде алғаш мектепке
Білмеуші едік әріпте,
Үйреткен оны әліппе
Алмат: Әліппем менің әліппем,
Көп нәрсені үйреттің
Таныстырып әріппен,
Тақылдатып сөйлеттің.
Анар : Әліппем менің әліппем,
Сені қолға алып мен.
Есігін аштым мектептің,
Ертеңгі сәуле жарықпен.
Мәруа : Әліппем менің әліппем,
Өмірді келем танып мен.
Қайталап айтам мың рет,
Әліппеге рахмет! Әліппеге рахмет!
Хор: «Әліппемен қоштасу»
Әліппе: Көп –көп рахмет, балалар!Енді сендерді әрі қарай жетелейтін достарың Ана тілі болмақ. Ендеше, ортаға Ана тілін шақырайық.
Ана тілі: Сәлеметсіздер ме, балалар! Енді сендердің сүйіп оқитын оқулықтарың Ана тілі
боламын.
1-жүргізуші: Достар,Ана тіліне арналған өлеңдерің бар ма?
2-жүргізуші: Кәне ортаға салайық. « Ана тілі – данамыз»бөлімі:
Алмат: Ана тілі – ұраным
Ана тілден аламын
Ана тілім ардақты
Ақ сүтіндей анамның.
Ерсаи: Ана тілі – ұраным
Ана тілім – құралым
Ана тілі болмаса
Мықты болмас тұрағым.
Исламбек: Адамдықты үйретер,
Жамандықтан жирентер
Тілімізді ширатар
Ана тілі – данамыз.
1-жүргізуші: Ән «Анашым» Орынд.:Аружан
2-жүргізуші:
Оқи берсең ғылымды,
Артық болмас баршасы
Математика – өмірде
Бар ғылымның патшасы.
1-жүргізуші:
Ойлантып есеп шығартып,
Төрт таңбаны білдіріп,
Ғалымдардың мықтысы
Математика данамыз. Енді математикадан алған білімімізді ортаға салайық.
2-жүргізуші: Ортаға сиқырлы сандарды шақырамыз.
Асыл: Мені келсе білгің,
Мен таяқша бірмін.
Барлық санға жол бастап,
Ең басында тұрмын.
Аружан: Екіден соң әрқашан
Үш саны мен тұрамын,
Орныма мен тұрамын
Екі айшық саламын.
Малика: Үш сызықтан таяғым,
Оқушылар қояды,
Төрт дегенің баяғы
Төрт түлкінің тұяғы.
Аққыз: Төрттен кейін бесті,
Білу оңай десті,
Санашы бір қолыңның саусағын
Оңай табасың бесті.
Маруа: Мен өзімді қатарға,
Бестен кейін қоямын.
Басым бірден басталып,
Нөльмен бітер аяғым.
Алмаз: Қара мына қызықты,
Көсеуді кім ұрыпты?
Жеті болам бір тартсаң
Бел ортамнан сызықты.
Ерсаи: Менің атым сегіз
Жетіден соң деңіз.
Жазылғын қос дөңгелек,
Мен боламын егіз.
1-жүргізуші: Қазақ биі «Қамажай» қыздар тобы . Қол соғып қырсы алайық.
2-жүргізуші: «Күле отырайық» атты Алдар Көсе хикаялары көрінісін тамашалайық.
1-жүргізуші: Қолыңа тұңғыш қалам ап,
А әрпін алғаш жазарсың,
Біліп ап А –ны саралап,
Б- сына көз саларсың.
2-жүргізуші: Сырлы әріптер сөз түйіп,
Сабырмен саған қарайды,
Сырларын білсең бас иіп,
Керегіңе жарайды.
«Сырлы әріптер сыры» бөлімі:
Алмат: Т Тәуелсіз елде тұрағым,Тәуелсіздік жыр әнім
Асыл: Ә Әспеттеп салт пен әдетті,Боламыз бала әдепті.
Ерсай: У Уәдеге берік боламыз,Биік –биік үйлер саламыз.
Маруа: Е Елім деп мен жар салам,Еліменнен мақтанам.
Малика: Л Лайым болсын ел аман,Несібесі мол заман.
Аружан: С Сенімін елдің ақтаймыз,Жақсы істер жасаймыз.
Аққыз: І Ізгілік нұрын шашатын,Жасасын Қазақстаным!
Малика: З Зейінге бәрін тоқимыз,Сабақты 5 – ке оқимыз.
Маруа: Д Даламыздай кең пейілді, Мақтан тұтам елімді.
Алмат: К Келешекке нық басқан,Біз бақытты балдырған!
Мұғалім: – Қандай сөз шықты балалар? – Тәуелсіздік!
Біздің отанымыз биыл Тәуелсіздіктің неше жылдығын тойлады? 22 жылдығын.
Елбасымыз кім? Н.Ә.Назарбаев
Хор: «Отан»
1-жүргізуші:
Ыстық әрбір беттерің
Жазуыңды ұғамын,
Ақыл бердің әліппе,
Ақылшы және әліппе.
2-жүргізуші:
Мұғалім ғазиз мұғалім,
Сарқылмас мәңгі бұлағым.
Ұланың сенің тойыңа
Арнайды саған бұл әнін.
1-жүргізуші: Хор: «Жарқын жүзді ұстазым» Бұл ән барлық ұстаздарға арналады.
2-жүргізуші: би «Қара жорға»
1-жүргізуші: Әліппе біз 4 ай бойы сізден үйрегенімізді,ортаға салдық. Сауат аштық,енді өзіміз жаза аламыз.Сізге рахмет!
Әліппе: Рахмет достар. Мен сендерге ризамын! Ал қош болыңдар!Үнемі биік шыңнан көріне беріңдер!
Бірінші сыныптықтарды құттықтау.
Осымен «Әліппенің ар жағы- білім шуағы» атты ертеңгілігіміз аяқталды. Көрісікенше күн нұрлы болсын!
Байтакова Жаныл
Тубсанатории негізгі мектебінің
бастауыш сынып мұғалімі
Жамбыл облысы
Т.Рысқұлов ауданы
Каменка ауылы