Б.Майлин «Түйебай» әңгімесі, 6-сынып
Балқаш қаласы «С.Сейфуллин атындағы №7 мектеп-гимназиясы» КММ
Қазақ тілі мен әдебиеті пәні мұғалімі Уәлиева Әсемгүл Мұхамедіғалықызы
Сабақтың тақырыбы: Б.Майлин «Түйебай» әңгімесі, 6-сынып
Мақсаты: Жазушының өмірінен қысқаша мағлұмат бере отырып, шығарманы талдау. Авторлық позицияны таныту.Кейіпкер бейнесін ашу. Адамгершілік қасиеттерге баулу, ойлау , сөйлеу , есте сақтау қабілеттерін дамыту. Білім , білік дағдыларын арттыру.
Сабақтың түрі: аралас
Әдісі: сын тұрғысынан ойлау стратегиялары
Сабақтың барысы:
Ұйымдастыру кезеңі
Үй тапсырмасын сұрау.
А) Әңгіме бойынша инсценировка жасау.
Ә) Шығармаға мазмұндық жоспар құру және жоспар бойынша мәтінге жуық мазмұндату.
1.Қоржынтомар жайлауы
2. Молдаға көрсетілген сый-құрмет
3.Молдадан таяқ жеген Түйебай
4.Қой соңындағы Түйебай
Жаңа сабақ.
1. Шығармадағы кейіпкердің іс-әрекетін және басты оқиғаларды топтап жазу.
- Түйебай бейнесін жасаудағы жазушының тіл шеберлігін ашу.Оқушылар мәтіннен Түйебай бейнесін ашатын үзінділерді таба отырып, Түйебайға мінездеме береді.
-
«Екі жақты күнделік» стратегиясы бойынша қатты әсер еткен үзінділерді тауып, оның себебін анықтап жазады.
-
Вен диаграммасы бойынша бұрынғы оқу мен қазіргі оқуды салыстыра отырып, авторлық позицияны таныту.
-
«Дәлелденген эссе» стратегиясы
«Шоқынып кетсем де молданың алдын көрмеймін» деген Түйебайдың сөзі «дұрыс» және «бұрыс» деген позицияны топ болып талқылау. -
«РАФТ» стратегиясы бойынша Түйебайға хат жазу, автор орындығында оқу.
Үйге тапсырма: Шығарманың тілін талдау. «Мен бақыттымын» ойтолғау жазу.
Бағалау.<br />