Сабақтың тақырыбы: Салауаттылық – менің қалауым

Қызылорда облысы, Арал ауданы
Жаңақұрылыс ауылы, № 74 орта мектебінің
өзін -өзі тану пәнінің  мұғалімі Елубаева Гүлмира

Мақсаты: Оқушылардың «салауаттылық», «денсаулық» ұғымының  құндылығы туралы  түсініктерін  кеңейту.
Міндеттері:  – салауатты өмір салтын  сақтаудың  адам  өміріндегі маңызын  түсіндіру.

• -денсаулығын күту  іскерліктерін  дамыту.
• -денсаулықты  күтуге , қадірлеуге тәрбиелеу.

Көрнекіліктер: оқулық, дәптер, слайдтар, «Менің  атым Қожа» фильмінен фотосуреттер, суреттер

1.  Шаттық  шеңбері ;

а/Сәлемдесу, оқушылардың көңіл күйіне әсер ететін жылы сөздер айту.

ә/ Арасанбай Естеннің  «Салауаттылық деген не?» өлеңін оқу.

2. «Ойланайық, пікірлесейік» айдарынан әңгімелесу  сұрақтары ;

– «Таза жүру  өмірде» дегенді қалай  түсінесіңдер?

– Адамның  денсаулығын сақтауға  кім жауапты? Неге?

– Салауатты өмір салты  дегенді қалай түсінесіңдер?

– Салауатты  өмір сүруге не  кедергі?

– Өздеріңде қандай жағымды  және жағымсыз  әдеттер бар? Олардың қалыптасуына не себеп болды ?

-Өз бойыңдағы қандай әдеттерден арылғың келеді? Ол үшін не істеу керек деп ойлайсың?

3.Жаңа ақпарат

Берілген мәліметті оқып, өз денсаулығын сақтау үшін белсенділік қажеттігін ұғындыру.

4. Мәтінмен жұмыс.

Б. Соқпақбаевтың « Менің атым Қожа» повесінен үзінді.

Мәтінді  оқып, сұрақтарға жауап беру.

–         Қожа осы оқиғадан қандай сабақ алды?

–         Қожаның Сұлтанның  сөзіне ермеуі мүмкін бе еді?

–         Сұлтан сияқты балалар өмірде жиі кездесе ме? Олардың ұсынысын қалай қабылдар едіңдер?

5. Топтық  жұмыс.

1-топ ; үгіт- насихат  тобы (темекінің  зиянды екенін  түсіндіру)

2-топ ; журналистер тобы   «Менің атым Қожа » фильміне байланысты сұхбат алады?

3-топ ; суретшілер тобы ; оқиғаның желісіне сай суретпен жеткізу

6. Жағдаяттарды  талдау.

1-топ / оқулықта/

– Бегарыстың ұсынысын балалар қалай қабылдауы мүмкін?

2. Жарас  әкесінің  темекі тартқанын ұнатпайды.Зиянды екенін түсіндіргісі келеді.Бірақ, әкесіне ақыл айтуға ұялады…

3. Қаншама жылдардан  бері ;«темекіні қоя алмаймын »-дейтін әкесі қатты ауырып,төсек тартып жатқалы бері темекіні аузына алмады.Бүған таң қалған баласына; « – Балам, зәулім үй, машина-барлығы болғанымен не пайда?Дүние байлық емес, бар байлық денсаулық екен »,-деп.

7. Түйіндеме. Мәліметті оқу.

8.Сергіту сәті.-Салауаттылықты қолдайтындар орнынан  тұрсын.

– Күнделікті жаттығумен  айналысатындар оң қолын көтерсін.

– Темекіні зиянды дейтіндер сол қолын көтерсін. Жайдары мінез денсаулыққа пайдалы дегендер екі қолын төмен түсірсін.Денсаулықты басты байлық дегендер орнына отырсын.

9. Дәйексөз. «Біздің бақытымыздың оннан тоғызы- денсаулыққа байланысты.»  А.Шопенгауер

10. Дәптермен жұмыс.

Салауатты өмір сүру ережесін жасауға негіз болатын қағидаларды жаз.

11. «Жүректен жүрекке» шеңбері Оқушылар бір-біріне тілектерін айтады.Мысалы;

-Денің сау болсын.Ауырма. Ұзақ өмір сүр.Ниетің таза болсын.Денсаулығыңды күте біл,т.б.