Ташекенова Амангуль Бердибековна

Маңғыстау облысы,
Түпқараған ауданы
«Гауһар» жекеменшік балабақшасы
Тәрбиеші: Ташекенова Амангуль Бердибековна

«Шалқан» ертегісі

Ашық оқу қызметі «Шалқан» ертегісі

Білім беру саласы: Коммуникация
Ұйымдастырылған оқу – қызметі: Көркем әдебиет
Тақырыбы: «Шалқан» ертегісі
Мақсаты:
Білімділік: «Шалқан» ертегісі туралы мағлұмат беру, шалқанға түсінік беру.
Дамытушылық: «Шалқан» ертегісіне сахналық қойылым көрсету. Ертегіні сахналау арқылы ой – қиялын дамыту.
Тәрбиелік: «Шалқан» ертегісін көрсете отырып, балаларға бір отбасының татулығын, бірліктерін көрсету.
Көрнекіліктер: «Шалқан» ертегісінің кейіпкерлерінің костюмдері, көкөністер,слайд

Түрі: Көрініс, ертегі
Алғы сөз:
Құрметті балалар! Бүгінгі өткелі отырған «Жауқазын» ортаңғы тобының ертегілер еліне қош келдіңіздер. Бүгінгі сахналайтын ертегіміз «Шалқан» ертегісі. «Шалқан» ертегісі орыс халық ертегісі, балалар.
Ертегілердің негізінен көптеген түрлері бар, олар:
1. Қиял – ғажайып ертегісі.
2. Шыншыл ертегі.
3. Жан – жануарлар туралы ертегі.
4. Тұрмыс – салт ертегісі, болып бөлінеді екен. Ал, осы, «Шалқан» ертегісі балалар, тұрмыс – салт туралы ертегі екен. «Шалқан» орамжапырақ тұқымдасына жататын екі жылдық көкөніс. Шалқанның түсі ақ немесе сары болады екен. Шалқанның құрамында ағзамызға пайдалы көптеген дәрумендер бар. Емдік қасиеті де бар. Ендеше, апайлар және балалар, мен сіздерді, осы «Шалқан» ертегісін «Жауқазын» ортаңғы тобының балаларының сахналағанын көріп – тамашалауларыңызды ұсынамын.
«Шалқан» ертегісінің сахналық қойылымын тамашалаңыздар.

Автор: Тәрбиеші: Ташекенова А

Ролдерде ойнағандар:
Атай: Тлекбай Бекнұр

Әжей: Таңат Ұлдана
Немере қызы: Амангелді Тұнықай
Күшік: Ғалым Сағынжан
Мысық: Мәлік Аружан
Тышқан: Серікқызы Айсана

Автор: Ерте ерте ертеде, ешкі жүні бөртеде шал мен кемпір болыпты.
Бір күні атай шалқан екті де:
Атай: – Өс, шалқаным, тәтті боп өс! Өс, шалқаным, мықты боп өс!
Автор: Күндерден күн өтті, айлардан ай өтті. Шалқан өте үлкен, мықты болып өсті. Атай шалқанды әрі тартқылайды, бері тартқылайды, жұлып ала алмайды. Сөйтіп атай көмекке әжейді шақырады.
Әже: Мен көмекке келдім.
Автор: Әжей атайдан, атай шалқаннан тартып, жұлып ала алмайды.
Әже: – Атасы, екеуміздің осыған күшіміз жетпейтін сияқты. Көмекке қызымызды шақырайық.
Автор: Сөйтіп көмекке қызын шақырады. Қызы әжесінен, әжесі атайдан, атай шалқаннан ұстап тартады. Алайда еш нәтиже болмайды.
Қызы: – Бізге көмекке тағы біреу керек сияқты. Мен күшігімді шақырайын.
Автор: Қызы көмекке күшігін шақырады. Күшігі қыздан, қыз әжесінен, әжесі атайдан, атай шалқаннан ұстап тартқылайды. Бірақ тағы да жұлып ала алмайды.
Күшік: Қанеки, біз көмекке мысықты шақырайық. Мысығым, мысығым келіп бізге көмектес.
Автор: Күшік мысығын шақырады. Мысық күшіктен, күшік қыздан, қыз әжейден, әжей атайдан, атай шалқаннан ұстап әрі тартқылайды, бері тартқылайды. Тағы жұлып ала алмайды.
Мысық: – Менің ойымша бізге тағы да көмек керек сияқты. Тышқан, тышқан бізге көмектесші.
Автор: Барлығы бірге шалқанды тартады. Сол кезде шалқанды жерден жұлып алады.
Әжей шалқанды қосып тамақ пісіреді. Бәрі дәмді тағамнан ауыз тиеді. Тышқан тамақты жеп отырып, былай дейді:
Тышқан: – Бұл тағам өте дәмді екен. Егер келесі жолы тағы көмегім керек болса, мені шақырыңдар. Мен шалқанды өте жақсы көремін.

—
Зайтуна Есмаганбетова