«Достық және мен»

С.Ошанов атындағы орта жалпы білім беретін мектеп жанынан ашылған
«Балдәурен» шағын орталығы (ересек топ)
Тәрбиеші: Молдагалиева Светлана Елеусиновна

Тақырыбы: «Достық және мен»

Мақсаты: «Дос» және «достық» деген ұғымды терең жеткізе отырып , достық сезімін қалыптастыру мақсатында бір- бірін сыйлауға, қадірлей білуге тәрбиелеу.»

Эпиграф: «Достық керек өмірде,
Ашық сырлы көңілде.
Дос жолдасың болмаса,
Өмір сүру жеңіл ме?»

Әдіскерлік тәсілдер: Әңгімелеу, тренинг, түсіндіру, сұрақтар – жауап, өлең, ойын, тақпақтар айту.

Сабақ барысы: Шаттық шеңбері:

Тренинг

Шеңбер бойына тұрып, қолдарынан ұстап, аттарын атап, достары туралы айтады. Мысалы: Менің атым Ақниет, менің досым Инаят, мен оны жақсы көремін.

• Ал балалар сендер өмірдегі сырды, бөлісетін, әркез қасымызда бірге ойнайтын, көмектесетін, қиын кезде қастарыңнан табылатын кім?
• Досымыз
• Жарайсыңдар, ол- «ДОС». Дос дегеніміз- арқа сүйер адамың. Балалар айтыңдаршы сендердің достарың бар ма? Гүлмаржани айта қойш қандай достарың бар? Нұрман сенде ше?
• (балалардың жауабы)
• Демек досты ешқашан сатпау керек, бірге күліп, бірге ойнау керек, сыйлап қадірлей білу керек. Балалар сендерге ертегі ұнайма?
• Иа
• Ендеше сендерге «Дос іздеген Бота» деген ертегіні айтып берейін.
• «Ерте, ерте, ертеде боталы Түйе болыпты.» (ертегі айтылады)
• Балалар ертегі ұнады ма?
• Иа
• Сонда достық адамның кейіпінен емес, түсінен емес, жүрек қалауымен болады екен.
• Не түсіндіңдер ертегіден?
• (балалардың жауабы)
• Ертегіде қандай кейіпкерлер бар?
• (б.ж.)
• «Жүз ақшаң болғанша,

Жүз досың болсын»

«Доссыз адам,

Тұзсыз тағам» дейді. Сол себепті дос өмірдегі керек адам.

• Ойын: «Досыңа көмектес»

Шарты: кубиктерді бірінен соң бірі жерге койып арасы 30 см, екі топқа бөлініп, кубиктердің үстімен жүріп өту керек. Кубиктерден өтіп келе жатқан екі жақтың балалары бір- бірін құлатпай қолдарынан ұстап өтеді. Ойын 2-3 рет ойналады.

• Жарайсыңдар балалар, енді кім «дос» туралы тақпақ біледі

Алижан: Достық керек өмірде,
Ашық сырлы көңілде.
Дос жолдасың болмаса,
Өмір сүру жеңіл ме?»

Нұрман: Досыңды дос деп санасан,

Дос көңілін қалдырма.

Досыңды сыйлап,

Дұшпаныңа, еш сырынды асырма.

Ақниет: Біз балдырған баламыз,

Досты көп табамыз.

Қашан да, қайда да,

Бірімізге сенімді боламыз.

Инаят: Достар бірге жүреміз,

Бірге ойнап күлеміз.

Бірге балық аулаймыз,

Міне, біздер қандаймыз.

Ерназар: Әрқашан дос біргеміз,

Ажырамас іргеміз.

Ту ғып ұстап бірлікті,

Тату тәтті жүреміз.

• Жарайсыңдар, енді балалар тапсырма орындаймыз. Ортаға 5 бала таңдалады. Әркім тақтадағы өзіне ұнаған гүлді таңдайды гүлде сұрақтар жазылған. Сұрақтарды тәрбиеші оқып береді .Балалар жауап береді.
• «ДОС» ұғымын топтастыру.
• Жарайсыңдар, келесі ойнайтын ойынымыз «Мейірімді дос»

Бір- бірлерін мейірімді, еркелете айтады.

Мысалы: Инжу ,Томирис т.б. сен менің жан досымсың.

Ойын 2-3 рет ойналады.

• Балалар достар қандай болуы керек?
• (б.ж.)
• Жағдайларды шешу:

1. Топта екі бала ойыншыққы таласып төбелесіп қалса, сен не істер едін?
2. Досың ойнап жүріп құлап, бір жерін ауыртып алады, сен не істейсің?
3. Саған анаң үш ойыншық машина сатып алып берді, сол ойыншықты сен балабақшаға алып келдің, достарың сенімен бірге ойнауын өтінді, сен не істейсің?

• (балалардың жауабы)

Сергіту сәті: (12 слайд)

Досым, досым жан досым,

Неге сонша шаршадың.

Кане ұста қолымнан,

Секір, секір, секірші,

Бір серігіп аларсың!

• Жарайсыңдар балалар енді досымызды қуанту үшін сыйлық ретінде досымызға сурет саламыз.(балалар суреттерін салып достарына сылайды)
• Балалар біздер бүгін кім туралы өттік?
• Достық керек пе?
• (балалардың жауаптары)
• Қорытынды: Жақсының әрбір сөзін қайырма,

Жасыған жездей болып мойыма.

Сыр алмаған біреумен дос болып,

Сыр алған досыңнан айырылма!

• Жарайсыңдар, бүгінгі оқу іс-әрекетіне өте жақсы қатынастыңдар.(балаларды бағалау, мадақтау)