Атырау облысы, Жылыой ауданы, Құлсары қаласы «Айналайын» бөбекжай-бақшасы.
«Еркемай» ортаңғы тобының тәрбиешісі Шингисова Райгүл Ерқанатқызы
Ұйымдасқан оқу әрекетінің технологиялық картасы
Білім беру саласы: Қатынас. Әлеуметтік орта.
Бөлімі: Көркем әдебиет
Тақырыбы: «Достық мерекесі» («Тілеріміз бейбіт күн» өлеңін жаттау)
Мақсаты: Серікбай Оспановтың «Тілеріміз бейбіт күн» өлеңін мәнерлеп оқу, сөздердің мағыналарын ашып түсіндіру ; бәрі бірге қайталап жаттауға талыпну. Отанымызды сүюге, достыққа тәрбиелеп, түрлі ұлт өкілдері тұратын ауылдың тату-тәтті бірлігін мақтаныш ету;
Көрнекіліктер, қажетті құралдар: мерекелік иллюстрациялар, «Бірлігі жарасқан-ауылым» атты слайд. Әртүрлі ұлттың киімін киген ауыл балаларының суреттері, жұмыс дәптері, түрлі-түсті қарындаштар.
Сөздің жұмыс: құшағын ашу, тең басқан.
Билингвальді компонент : достық-дружба; тыныш-мирно; жалауша-флажок;
| Оқу іс-әрекетінің кезеңдері | Педагогтің іс-әрекеті | Балалардың іс-әрекеті |
| Мотивациялық-қозғаушылық | Шаттық шеңбері
Тату-тәтті бәріміз, Бірге ойнап жүреміз. Арайлап атқан алтын күнге, Қуанып сәлем береміз. |
Балалар шаттық шеңберіне тұрып, бір-біріне жылы лебіздерін білдіреді. |
| Ұйымдастырушылық-ізденістік | Кіріспе әңгіме
-1 мамыр – халықтар достығының, ынтымақ мерекесі. — Мерекелік шеруге барғанда қолымызға не ұстаймыз? — Мерек күні не істейміз? — Достық –барлық елдердің бірлігі, берекесі, татулығы. Еліміз тыныш болса, бәрі де жақсы болады. Біздің ауылда қазақ, татар, орыс, украин, шешен т.б ұлтының адамдары тату-тәтті ынтымақтастыққа өмір сүріп жатыр. — Біз бүгін ақын Оспановтың «Тілеріміз бейбіт күн» өлеңімен танысамыз. Біз балдырған тең басқан, Дос құшағын елге ашқан. Тілеріміз бейбіт күн, Ашық болсын кең аспан! Сөздік жұмыс Құшағын ашу сөзі-бәрін бірдей жақсы көру мағынасын білдіреді. Тең басқан сөзі барлық ұлттар тең, бірдей деген мағына білдіреді. Билингвальді компонент:достық-дружба; тыныш-мирно; жалауша-ажок; Сергіту сәті: Достар бірге ойнаймыз, Өзеннен балық аулаймыз. Бірге бақша суарып, Құс ұясын бұбаймыз. Сұрақ-жауап -өлең қалай аталады? -бейбіт күн дегенді қалай түсінесің? — Достық дегенді қалай түсінесің? Дәптермен жұмыс: Дәптердегі берілген тапсырманы балаларға түсіндіру. Мақал жаттау: Досы көппен сыйлас, Досы азбен сырлас. Дос болсаң, берік бол, Досыңа серік бол. |
Балалардың жауаптары.
-Шар, жалауша ұстап мерекелік шеруге барамыз -Ән айтамыз, билейміз, сурет саламыз, ойнаймыз… Балалар өлеңді мұқият тыңдайды, жаттайды. Сөздердің мағынасын түсінеді. Қайталайды: достық-дружба; тыныш-мирно; жалауша-флажок; Балалар қимылмен көрсетеді. Балалардың жауаптары. Балалар жұмыс дәптеріндегі тапсырманы орындайды. Балалар мақалды жаттайды. |
| Рефлексиялық-түзетушілік | -Достық мерекесі күні сендерге несімен ұнайды?
— Ауылда достық мерекесі күнін қалай өткізесідер? -Кімдермен қыдырасыңдар? |
Балалардың жауаптары |
Күтілетін нәтиже:
Орындайды: Достық мерекесі туралы өз түсініктерін атайды.
Түсінеді: Қазақстан Республикасы көп ұлтты мемлекет екендігін және онда түрлі халық тұратынын түсінеді.
Қолданады: Достық мерекесіне арнап тақпақ, өлең мақалдар айтады.
