Муканбеткалиева Айбарша Әскер-қызы

1. «Мен саған … сатып, сенен … сатып алғым келеді» жаттығуы. (Өзіне ұнамайтын мінезін сатып, көршісінің ұнайтын мінезін сатып алады)
2. Топқа бөлу. 1-4- ке санату арқылы.
3. «Стикерлер арқылы диалог» әдісі.

Бұл қалай жұмыс істейді:

1. Әрбір топқа жұмыс парағы берілді. Сұрақ/тақырыпты оқып, жауап ретінде стикерде фактілерді қосу қажет (2 минут ішінде).

2. Уақыт аяқталар шақта, парақ сағат тілінің бағыты бойынша келесі топқа беріледі, оның қатысушылары оған өзінің стикерлерін іледі.

3. Барлық топ парақтармен жұмыс істеп болған соң, тапсырма орындалды деп есептеледі.

• Септік атауларын жаз
• атау септігі сұрақтарын жаз.
• Ілік септігі сұрақтарын, жалғауларын жаз

1. Сабақтың тақырыбын беру.
2. Жаңа сабақты түсіндіру. «Bilimland» электронды оқулығы.

1. Оқулықтар бойынша тапсырмалар орындау. (Жеке, жұптық, топтық жұмыстар)

1- жаттығу.

• Өлеңді мәнерлеп оқып, қарамен жазылған сөздердің түбірі мен қосымшасын тап.

Аспанға, асқарға, көктемге.

2- жаттығу. Мәтінді оқы. Мәтіннен ілік, барыс, септіктегі сөздерді өздері байланысатын сөздермен теріп жаз.

Есіл өзенінің жағалауы, сауысқанның балапаны, үйге алып келді, балапанға берді, нанның үгіндісі, тауыққораға орналастырды, балапанға үйретті, сауысқанға үріп.

3-жаттығу.Жұмбақтарды көшіріп жаз. Барыс септіктегі сөздерді тауып, сұрақ қой.

Бір тұлпар су ішпейді, жем жемейді,

Есіркеп ешбір адам жем бермейді.

Жүк емес жануарға жүз адам да,

Доғасын сымға сүйкеп, зымырайды.

Суға батпайды,

Отқа жанбайды.

Айнымайды шыныдан,

Қорқады тек жылыдан.

4-жаттығу. Мақалдарды көшіріп жаз. Барыс септіктегі сөздерді тауып, қосымшасын белгіле.

Жақсы+ға ерсең, жетерсің мұрат+қа,

Жаман+ға ерсең, қаларсың ұят+қа.

Мұз+ға сүйенбе, жау+ға сенбе.

5- жаттығу. Мәтінді оқы. Барыс септіктегі сөздерді өздері байланысатын сөздермен теріп жаз.

Ыстыққа шыдайды, құмға батпайды, жолға жүреді, шөлге төзімді, күнге дейін, шөлге шыдайды, шөлге қолайлы.

1. Қорыту. «Бірге ойлаймыз» әдісі.

1. Топтарға бөліңіз. Әр топ топ мүшелерінің санына қарай өз мүшелеріне 1-ден 4-ке дейін немесе 5-ке дейін нөмір береді.

2. Мұғалім сұрақ қояды, ойлануға уақыт белгілейді және одан кейін “Бірге ойлаймыз” – деп айтады.

3. Оқушылар тұрады және сұрақты ауызша талқылау үшін үстелдің орта тұсында түйісе, еңкейеді.

4. Барлығы жауапты білгеннен кейін, өз орындарына отырады да, сынып дайын деп айтады.

5. Санды таңдау үшін зырылдауықты айналдырады (немесе 1-ден 4-ке немесе 5-ке дейін кез келген санды атаңыз). Әр команданың тиісті оқушысы үстелден планшет пен қаламды алып, жауап жазады да, орнынан тұрады. Бұл тыныштықта орындалады.

6. Командаға бір мезетте жауаптарын көрсетуге белгі беріңіз. Әрбір дұрыс жауап үшін ұпайларын есептейсіз.

Қойылатын сұрақ: барыс септігінің сұрағы мен жалғауларын ата.

3. Бірін- бірі бағалайды. «Бас бармақ» әдісімен.

4. Үйге тапсырма. 6-жаттығу. 8- бет.