Кошербаева Гульжан Замирбековна
ШҚО «Аягөз қалалық № 1 бөбекжай-балабақша»
КМҚК Балабақша тәрбиешісі
Кошербаева Гульжан Замирбековна
Бөлімі: Тіл дамыту.
Білім беру саласы: «Қатынас»
Тақырыбы: «Көңілді қыс»
Мақсаты:Қыс мезгілі туралы түсініктерін кеңейту.Өзіне тән ерекшеліктерін ажырата білуге,өз ойын толық жеткізе білуге үйрету.Қысқы ойындарға қажетті құралдарды атау.Табиғатты аялауға,әсемдікті сезініп,көре білуге тәрбиелеу.
Әдіс тәсілдері:Әңгімелесу,түсіндіру,сұрақ-жауап,көрсету,ғажайып сәт,ойын,сергіту сәті.
Көрнекілігі:Мазмұнды суреттер,аққала,ойынға қажетті заттар.
Тәрбиеші:Балалар күн суық болса да,біздің жүрегіміз жылы.Жылуымызды жан-жағымызға беріп,жылулық шеңберін құрып,келген қонақтарымызбен амандасайық.
Шаттық шеңбер:
Амандасып алайық,
Бір жадырап қалайық.
Келіп қалған қонақтарды,
Сүйіп,сүйіп алайық.
Тәрбиеші:Балалар,мен сендерге өлең жолдарын оқып бергім келіп тұр.
Шанамен зырғып желетін,
Коньки,шаңғы тебетін,
Аққала жасап ойнайтын,
Қай мезгіл деп ойлайсыңдар балалар?
Балалар:Қыс мезгілі.
Тәрбиеші:Жарайсыңдар балалар,қыс мезгілінің белгілерін білеміз бе?
Балалар:Қар жауады,аяз болып,боран соғады.
Тәрбиеші:Ендеше,боран соққанын қимылмен қалай көрсетеміз?
(Балалар қолдарын жоғары көтеріп,гуілдейді)
Тәрбиеші:Қатты аяз болып,тоңғанда не істейміз?
(Қолдарын қусырап,аяқтарын топырлатады)
Тәрбиеші:Ал,күн шыққанда не істейсіңдер?
(Алақай,деп қолдарын көтереді)
Тәрбиеші:Жарайсыңдар балалар!Енді қыс айларын атайықшы.
Балалар:Желтоқсан,қаңтар,ақпан.
Тәрбиеші:Балалар,біз тоңбас үшін үстімізге қандай киімдер киеміз?Қане,іс-қимылмен көрсетейікші?
Балалар іс-қимылмен көрсетеді.
Балалар:Бас киім,үстімізге тоң,аяғымызға етік,қолымызға қолғап киеміз!
Тәрбиеші:Балалар,мынау ненің суреті?
Балалар:Аққала
Тәрбиеші:Аққала неден жасалады
Балалар:Қардан
Тәрбиеші:Қардың түсі қандай?
Балалар:Ақ
Тәрбиеші:Аққала неше бөліктен тұрады?
Балалар:Үш бөліктен тұрады
Тәрбиеші:Оның бөліктерінің пішіндері қандай?
Балалар:Дөңгелек
Ғажайып сәт:Осы кезде аққала келеді
Аққала:Сәлеметсіңдер ме балалар!Мен сендерме ойнауға,сендердің өнерлерінді тамашалауға келдім.
Тәрбиеші:Кел төрлет,сен туралы айтып отыр едік.Балалар қонаққа кім келді?
Балалар:Аққала
Аққала:Балалар мен достарымнан адасып қалдым.Маған достарымды табуға көмектесіндерші.
Балалар:Отырып,аққала бөліктерін орналастырып,орындайды.
Аққала:Балалар,сендерге рахмет.
Сергіті сәті:
Әрлі-берлі жол салып,
Қар лақтырып ойнаймыз
Қорықпаймыз аяздан
Спортшы болмай қоймаймыз.
Ойын:Сыңарын тап
Аққала:Жарайсыңдар балалар!Сендер өте ақылды,өнерлі тапқыр екенсіңдер! Топтарын ыстық екен,мен жылы жерде көп тұра алмаймын,еріп бара жатқан сияқтымын.Еріп кетпей тұрғанда қайтайын.Жақсы балалар мен сендермен қоштасамын,келесі жылы кездескенше сау болыңдар!
Тәрбиеші:Балалар аққаламен қоштасайық!(Аққала шығып кетеді)
Қорытынды:Балалар,бүгін біз жылдың қай мезгілі туралы әңгімелестік?
Балалар: Қыс мезгілі
Тәрбиеші:Бүгін бізге қонаққа кім келді?
Балалар: Аққала
Тәрбиеші:Сабақ барлығымызға ұнады ма?
Балалар:Иә
Тәрбиеші:Жарайсыңдар балалар,енді келген қонақтарымызбен қоштасайық.
«Жүректен-жүрекке»
Балдай тәтті баламыз,
Айтқан тілді аламыз
Ойынменен өседі,
Ойымыз бен санамыз.
Қол ұстасақ бәріміз,
Жарасады сәніміз.
Көріскенше күн жақсы,
Сау болыңыз бәріңіз?