Тәуелсіздік – ел тірегі

Бейбіт таңдар арайланып атады

Туған жерді аймалайды шапағы

Байтақ елім Қазақстан,

Ең бақытты балалардың Отаны!

Байтақ қазақ даласын,

Ақ көгершін шарлады

Қуаныш, шаттық, жақсылықта,

Халыққа көңіл сыйлайды!

• Жарайсыңдар, балалар!Туған жерге, Отанымызға жақсы тілектер айттық, олай болса бір-бірімізге жүрегіміздің жылуын сыйлайықшы.

Біз доспыз, татумыз

Сіздерге жүрегіміздің жылуын сыйлаймыз.

қайталайды.

Қазақстан жалауы!

Көкте қыран қалықтап,

Қанат қағып барады,

Қазағымның әнұраны!

Қалықтаса аспанда,

Шежіресі айналады,

Ән-мен күйге, дастанға!

Әнұран орындалады.

• Қазір жылдың қай мезгілі?
• Қыс мезгілінде неше ай бар?
• Қыс мезгілінің айларын атап беріңіздерші?
• Қыс мезгілінде қандай өзгерістер болады?

• Қармен ойнайтын қандай ойын түрлерін білесіңдер?

• Қыс мезгіліне арналған тақпақтар кім біледі?

• Біз қай Республикада тұрамыз?

• Қазақстан Республикасының Президенті кім?
• Біз қай қалада тұрамыз?

• Азаттық, Теңдік, Тәуелсіздік. Осы үш ұғымның салтанат құруы жолында қаншама қиындықтарды бастан кештік. Сонау дүбірлі батырлар заманынан бері ел мен жер үшін қаншама адамдар тер төкті. 1986 жылы Алматы қаласында өткен желтоқсан көтерілісінде өрімдей жастар азаттық үшін жандарын пида етті. Елдің егемендігін аңсаған жастар алаңға шықты. Желтоқсан желі дауылға айналды. Оттай қайнаған өжет жастар ұлттың намыс құдіретін әлемге паш етті. Желтоқсан оқиғасының құрбандары. Лаззат Асанова, Қайрат Рысқұлбеков, Сәбира Мұхамеджанова, Ербол Спатаев т.б.

• Иә бүгінде егемен ел болдық. Ежелгі қазақ жерінде Тәуелсіз жас Қазақстан мемлекеті көк туын желбіретіп, – өзінің тарихи таңдауын жасады. Нұрсұлтан Әбішұлы Назарбаев еліміздің тұңғыш президенті болып тағайындалды.

• 1991 жылы 16-желтоқсан күні біздің еліміздің Тәуелсіздігі жарияланды. Біз жаңа өмір есігін аштық.

• 1992 жылы 4 маусымда Мемлекеттік рәміздер туралы заң қабылданды.

• 1993 жылы 15 қарашада Қазақстан Республикасының ұлттық валютасы теңге айналымға түсті.

• 1995 жылы 30 тамызда Қазақстан Республикасының Ата заңы қабылданды.

• Еліміз Тәуелсіз мемлекет. Заңмен қорғалған рәміздеріміз, ұлттық киіміміз, тіліміз, дініміз бар.

• Қазақстан Республикасының Рәміздеріне Ту, Елтаңба, Әнұран жатады.

• Бұл Қазақстан Республикасының Мемлекеттік Туы. Пішіні тіктөртбұрышты. Түсі көк. Көгілдір түс бейбітшілік белгісі. Тудың ортасында жарқырап шыққан күн бейнеленген. Күннің астында қалықтап ұшқан қыран құс. Дала құсы – дарқандылық пен биікке самғау белгісі. Ою-өрнек қазақ халқының салт-дәстүрін, мәдениетін және ұлттық өнерін білдіреді. Күн, қыран құс және ұлттық ою-өрнек алтын түспен бейнеленген. Алтын түс- молшылықтың белгісі. Авторы Шәкен Ниязбеков.
• Ал мынау балалар, Қазақстан Республикасының Мемлекеттік елтаңбасы. Пішіні дөңгелек. Елтаңбамызда шаңырақ бейнеленген. Шаңырақты айнала уықтар шаншылған.екі жағында аңыз ертегілеріндегі пырақтардың қанаттары көмкеріп тұр. Ал маңдайшасында бес бұрышты жұлдыз бар. Ол мемлекетіміздің жарық жұлдызы. Төменгі жағында «Қазақстан» деген жазу бар. Авторлары

Балалар ту мен елтаңбаны көзбен көріп қолмен ұстауға болады. Ал әнұранды естіп, бірлесе шырқауға болады.

• Қазақстан Республикасының Әнұранының сөзін жазғандар Жүмекен Нәжімеденов, Нұрсұлтан Назарбаев. Әнін жазған Шәмші Қалдаяқов.
• Қазақстан Республикасының Рәміздеріне арналған тақпақтар кім біледі?

• Тәуелсіздікке арналған тақпақтарды кім айтады?

Сергіту сәті

Дидактикалық ойын: «Ойлап тап»

Ойынның шарты: Қазақстан Республикасының Туы, Елтаңбасын құрастыру.

• Қыс мезгілі
• Үш ай бар
• Желтоқсан, қаңтар, ақпан
• Күн суық болады, боран болады, қар жауады, адамдар жылы киінеді, жануарлар мен жәндіктер қысқы ұйқыға етеді.
• Аққала жасау, шанамен сырғанау, коньки, шаңғы тебу, қар лақтырып ойнау.

Айзада

Бір топ бала сырғанап,

Барады әне жарысып.

Қалады артта қар алап

Іздерінен қар ұшып.

Ислам

Қар жауып тұр далада,

Жеткенде аяз атамыз

Жүр ойнайық, балақай!

Біздер одан сый күтіп

Отырып ап шанаға,

Күліп ойнап жатамыз!

Қуаныш

Әппақ күміс бар әлем

Зымыраймыз шанамен

Тоғайлар тон киеді,

Аяз беттен сүйеді.

Жиналып ап бар бала

Тұрғызамыз аққала.

• Қазақстан Республикасында
• Нұрсұлтан Әбішұлы Назарбаев
• Жаңаөзен қаласында тұрамыз.

Думан

Күнәдан таза басым бар

Жиырма бірде жасым бар

Қасқалдақтай қаным бар

Бозторғайдай жаным бар

Алам десең, алыңдар.

Қайрат деген атым бар

Қазақ деген затым бар

Еркек тоқты құрбандық

Атам десең атыңдар!

Құндыз

Көк аспандай көкпенбек,

Қазақстан жалауы

Көк емес ол тектен-тек

Елдің ашық қабағы.

Ақ ниеті – алтын күн,

Асқақ арман – қыраны

Жалауы бұл халқымның

Мәртебесі, мақтаны.

Ұлдай

Елтаңбасы елімнің,

Неткен әйбат әдемі!

Тұнығындай көңілдің,

Ортада – аспан әлемі.

Құт, береке – шаңырақ,

Орын алған ол төрден

Қанатты қос арғымақ

Екі жақтан көмкерген.

Қадыржан

Ән ұраным–жан ұраным,

Айтар әнім-сөйлер сөзім.

Туған жерім-сағынарым

Мәңгі бақи шырқалады,

Әнұраным-менің

Қазақстаным.

Алима

Тәуелсіз елдің ұл –

қызымыз

Көзінде ыстық шоғы бар

Тәуелсіз елдің

жұлдызымыз

Көгінде елдің жағылар

Тәуелсіз елдің тірегіміз,

Қазағы арқа сүйейтін

Тәуелсіз елдің білегіміз

Бақыттың жолын

күрейтін.

Сауат

Қарашы, дос, ғажапты,

Күлімдейді нұрлы күн

Тәуелсіздік, азаттық

Теңдік алған күн бүгін

Тәуелсіздік – елімнің

Арманы сан ғасырғы

Аспанына жерімнің

Шуақ болып шашылды.

Алижан

Өлшеусіз даласы бар,

Өрнекті қаласы ар.

Тәуелсіз Қазақстан,

Ел бастар данасы бар

Мен сенің елігіңмін,

Төсіңде еркелеген.

Әр тауын атқан сайын

Оянған ертеменен.

Балаларға «Атамекен» әнін тыңдатып, әннің атын табу. Атамекен сөзінің мағынасын ашу.

Тәуелсіздік алдық дегенді қалай түсінесіңдер?