Калинбаева Галия Арыстановна

Маңғыстау облысы, Ақтау қаласы

№ 56 «Жұлдыз» бөбекжайы

Тәрбиеші: Калинбаева Галия Арыстановна

Тақырыбы: «Ойнап жүріп ойланамыз»

Мақсаты: Балалардың жыл бойына алған білімдерін тиянақтап, қорытындылау. Ақыл-ойын, жылдам ойлауын, ептілігін, шығармашылығын дамыту. Балалардың сөздік қорын молайту, қабілетін анықтау. Дарынды, озық болуға тәрбиелеу.

Көрнекілігі: слайд, текшелер, үлестірмелі материалдар, суреттер, шарлар.

Ұйымдастыру бөлімі:

Шаттық шеңбері: Армысың, қайырымды аспан ата,

Армысың, қайырымды жер ана.

Армысың, шұғылалы алтын күн,

Армысың, ардақты ата, асыл әже.

Армысың, қамқор әке, қамқор ана,

Сәлеметсіздер ме құрметті қонақтар!

-Балалар, енді <кім ұшқыр?> ойынын ойнайық. Мен сендерге сұрақ қоямын,

Ал сендер нақты жауабын беріп, допты лақтырасындар.

• Жыл мезгілдерін ата.

• Қазір қандай мезгіл?

• Көктем айларын ата.

• Қазір қандай ай?

• Апта күндерін ата.

• Ел басымыз кім?

• Ел рәміздерін ата.

• Ел ордамыз қай қала?

• Қай қалада тұрасың?

• Бөбекжайыңның аты қалай?

• Қай топқа келесің?

-Жарайсыңдар балалар, енді менің қолымдағы парақшалардан өрнектің мәнін табу арқылы, орнымызға жайғасамыз.

0+1 3+2 6+3

1+1 4+2 5+5

2+1 4+3 6+5

2+2 4+4 6+6

Балалар, бүгін біз жарысамыз , жарысу арқылы қонақтарымызға өз білімімізді көрсетеміз. Ол үшін екі топқа бөлінеміз.

1)Бәйшешек тобы

2)Қызғалдақ тобы

-Енді топ басшыларын сайлап, бір-бірімізге сәттілік тілейміз.

Негізгі бөлім:

Сауат ашу іс-әрекеті төрт тапсырмадан тұрады:

1) Суретпен жұмыс

2) Буындардан сөз құрау.

3) Ребус шешу.

4) Шатасқан әріптен сөз құрау, дыбыстық талдау жасау.

Сергіту сәті: Оң қолымда бес саусақ,

Сол қолымда бес саусақ.

Алақанды ашайық,

Бесті беске қосайық.

Кел санайық ал мұны,

Нешеу болды барлығы?

Он саусақ.

Математика оқу іс-әрекеті төрт тапсырмадан тұрады:

1) Бірден жиырмаға дейін тура және кері санау.

2) Санның құрамын табу.

3) Логикалық есеп шығару.

4) Қалдырылған санды табу.

Айналамен танысу оқу іс-әрекеті төрт тапсырмадан тұрады:

1) Табиғат дегеніміз не?

2) Тірі және өлі табиғатқа не жатады?

3) Үй жануарларының пайдасы қандай?

4) Үй құстарының пайдасы қандай?

Тіл дамыту оқу іс-әрекеті:

1) Жұмбақтар

2) Жаңылтпаштар

Қорытынды бөлімі:

-Екі топтың балалары да алда болады. Бүгінгі сайысымызда достық жеңді.

Мен сіздерге ақ жол тілеймін. Енді өз білімдеріңді мектепке шыңдайтын боласыңдар.