Ұмытылып кеткен салт-дәстүрлерді қайта жаңғырту
Жоба авторы: Елкенов Арман. Қарағанды қаласы № 16 ЖББОМ КММ. 3 сынып оқушысы
Жетекші мұғалім: Канафина Айгуль Батырхановна
Мақсаты: Салт-дәстүрге деген көзқарасты ашу арқылы ұлтқа деген сүйіспеншілікті ояту. Ұмытылған салт-дәстүр туралы мәліметтерді толық жеткізу. Қазақтың салт-дәстүрлерін жойып жібермей, сақтап қалуымыз керек. Халықтың атадан-балаға көшіп, жалғасып және дамып отыратын тарихи әлеуметтік, мәдени-тұрмыстық, кәсіптік, салт-сана, әдет-ғұрып, мінез-құлық, тәлім-тәрбие және рухани іс-әрекетінің көрінісі дәстүр арқылы танылады. Сондықтан ұмытылған салт-дәстүрлерді зерттеуді ұйғардым. Дәстүр – мәдениеттілік белгісі. Дәстүр байлығы – мәдениет байлығы. Ол – ел өмірімен біте қайнасып кеткен рухани байлық. Мысалы, ата-ананы, үлкенді құрметтеу, байғазы, көрімдік, сүйінші, кәде сұрау, құрдастық қалжың, сәлем беру, ат тергеу т.б. дәстүрге жатады.
