Арманымның ақ қанаты

Ілесова Гүлжайнар Сағынбайқызы

Атырау облысы Жылыой ауданы Құлсары қаласы

№1 жалпы орта білім беретін мектеп педагог- психологы

Тренинг

Тақырыбы: Арманымның ақ қанаты

Мақсаты: – Түлектерді тиянақты білім алуға жауапкершілікпен қарауға,

еңбектенуге баулу;

• Өздерінің даралықтарын сезіндіру;

• Бәрі де қолынан келетініне және мақсаттары мен

армандарының орындалатынына сендіру;

Қатысушылар: 11 сынып оқушылары

Келісімге келу: 1. Ұйымшылдықпен қатысамыз;

1. Бір- біріміздің пікірімізді тыңдаймыз;

Пікірімізді ашық айтамыз;

Уақытымызды үнемдейміз;

Кіріспе: Құрметті түлектер! Ұлттық бірыңғай Тестілеу – мектеп бітірушілерді мемлекеттік аттестаттау және жоғары оқу орындарына қабылдау емтихандарын біріктіретін, жаңа технологияларға негізделген, білім сапасын мемлекеттік бағалау жүйесі екенін білесіздер. Сонымен қатар ҰБТ- дің нәтижесі бойынша өздерің армандаған маман иесі бойынша жоғары оқу орындарына түсе аласыздар.

1. «Таныстыру»

Мақсаты: «Қуыршақты таныстыра отырып өзінің арманын, мақсатын айқындау.

Нұсқау: Ақ қағаздан жыртып қуыршақ бейнесін жасау.

2. Ережемен таныстыру:

Осы армандарымыз орындалу үшін қарапайым ережені сақтауымыз қажет:

1. Өз тағдырымның қожасы өзіммін.
2. Сүйікті ісімнің жетістігіне жетемін.
3. Жалпы іске өзімнің сындарлы үлесімді қосамын.
4. Адамдармен өзімнің қарым- қатынасымды СЕНІМ- нен бастаймын.
5. Өзімнің ізденушілік қабілетімді дамытамын.
6. Өз денсаулығымды аялаймын.
7. Өзімді батылдыққа бағыттаймын.
8. Ойымды жақсы істерге арнаймын.
9. Өзіме сенемін, себебі өзімді алып шығатын еңбегім мен біліміме сенемін.

3. Емтиханды сәтті тапсыру үшін бірнеше кеңесті тыңдаңыз:

• Жинақтал! Қызметтік секторды толтырған соң, ойыңды жинақтап тапсырмаға үңіл. Уақыт шектеулі екенін ұмытпа.
• Асықпай тездет! Уақыттың шектелуі сенің жауаптарыңның сапасына әсер етпеу керек. Жауап белгілер алдында сұрақты екі рет оқып ұғынып ал.
• Жеңілінен баста! Алдымен жеңіл тапсырмаларды орында. Осылай сен тез ойыңды жинақтап, жұмысыңа кірісе аласың.
• Тастап кет! Қиын немесе түсініксіз тапсырмаларды тастап кет. Егер қиналатын тапсырмаларға тіреліп, жеңілдерін белгілеуге үлгермей қалсаң өкінішті болады.
• Тапсырманы соңына дейін оқы! Асығыста оңай сұрақтардан да қате жіберуің мүмкін.
• Кезекті тапсырманы ойла! Жаңа тапсырмаға кірісер алдында басқаларын ұмыт. Әр жаңа тапсырма сенің ұпай жинауыңа мүмкіндік.
• Шығарып таста! Тапсырманы орындау барысында, бірден дұрыс жауап іздемей, дұрыс емес жауаптарын шығарып таста. Сонда бір- екі жауаптан дұрысын табу жеңілірек болады.
• Уақыт алып қал! Уақытыңның 2/3 бөлігін жеңіл тапсырмаларды орындап, барынша жоғары нәтижеге жетесің. Қалған уақытты күрделі тапсырмаларға қалдыр.
• Тексер! Жауаптарыңды тексеруге уақыт бөл.
• Тап! Егер жауабын білмей отырсаң, интуицияңа сен. Осы дұрыс болар деген жауабын таңда.
• Мұңайма! Барлық тапсырманы дұрыс орындап үлгеру қиын. Жақсы бағаның өзі жеткілікті болуы мүмкін.

4. Сыныптастарға тілек: «Тату алақан» жаттығуы

Әр қатысушы өз парағына алақанының суретін салады да , өз орнына қалдырып кетеді , келесі қатысушының орнына барып , оның алақаны салынған суреттің ішіне оған жақсы тілек жазады. Осылай барлығы бір-біріне тілек жазып шығады.

5.«Сіз кімсіз ?» ойын –тест

Нұсқау : Қатысушыларға жай адамның бойында кездеспейтін керемет қабілеттердің бірін таңдау ұсынылады. Содан кейін қорытындысы оқылады.

А)Биікке ұша білу қабілеті . Сізге болған жағдайды сол қалпында қабылдау оңай, іс-әрекетке тәуелсіздікті ұнатасыз, өз бетіңізбен шешім қабылдағанды жақсы көресіз, оның ішінде қауіпті шешімді де . Сізден жақсы ұшқыш немесе саясаткер шығуы мүмкін.

Б)Өткен ғасырларға саяхат жасай алу қабілеті. Сізді болған жайтың себептері қатты қызықтырады . Өткен қателіктерден сабақ алып , үйренуді ұнатасыз .Сізден жақсы сарапшы , тарихшы , архелог , ғалым шығуы мүмкін.

В) Көрінбей қалу қабілеті . Көлеңкеде қалып , айналада не болып жатқанын білуге құмарсыз . Проблеманың түбірін тауып , мән-жайдың себебін анықтауды жөн көресіз. Басқалар тіпті ойламаған істің шешімін табуға қабілеттісіз.Физика , математика, саяса , медицина – назар салар кәсіп салалары.

Г) Басқа адамдардың , аңдардың , заттардың бейнесіне айнала алу қабілеті.Сіз кез келген ортаға , жағдайға оңай сіңісіп кете аласыз. Басқа адамның көңіл күйін, қайғысын ұғу , өзіңізді соның орнына қою оңай . Жазушы , актерлік мамандықтары сізге сай келуі мүмкін.

Д) Басқа адамдардың ойын оқи алу қабілеті .Сіз сөздің артында нақ не тұрғанын сезе білесіз. Адамды жарты сөзден түсіну , басқа адамның мінез-құлқын есепке алып , оның әрекетін алдын – ала көре білесіз.Басқа адамдардың не сезіп , не ойлайтыны сізге маңызды . Сай келетін мамандықтары – заңгер,психолог,мұғалім,социолог.

6. Жаттығу: «Армандар орындалады»

Нұқау: Түрлі түсті қағаздардан гүл күлтелерімен қиып алу. Гүлдің әр күлтесіне өздерінің армандарын жазу. Бүктеп ыдыстағы суға салады. Біртіндеп гүл күлтелері ашылады. Ашылған күлтелердегі өз армандарын оқып беру.

Нәтиже: Алға ұмтылу керек, армандарыңызды айқындаңыздыр. Армандар орындалады.

7. Видеоролик: Мотивация «Мақсатыңа жетуге күш беретін сөздер»

8. Болашақтан хат!

Өздерін қалаған мандықтарын игеріп, бір- бір маман ретінде танып, өз ойларын/түйген/, тілектерін жазып конвертке салады.

9. «Кері байланыс» жаттығуы

Тренингке қатысушылар шеңбер құра отырады да, тренингтің өткізіуіне байланысты өз ойларын білдіреді:

• Тренингте ең бірінші не ұнады?
• Не ұнаған жоқ?
• Өзің жаңадан не білдің?

«Алған әсеріңіз қандай?» – үлестірмелі смайликтер арқылы анықтау.