Тәуелсіздіктің 26 жылдығына орай өткізілген «Тәу елсіздік -теңдесі жоқ байлығым» атты мерекелік к ешінің жоспары.

Алматы қаласы Алатау ауданы
№152 мектеп- гимназиясының бастауыш сынып мұғалімі
АҚПАНОВА ТҰРЛЫГҮЛ

Тәуелсіздіктің 26 жылдығына орай өткізілген «Тәуелсіздік -теңдесі жоқ байлығым» атты мерекелік кешінің жоспары.

(Сахна безендірілген. Әуен ойналып тұрады.)

/1-слайд/

1-жүргізуші: Қайырлы күн, құрметті ұстаздар , оқушылар!

2-жүргізуші:Қайырлы күн , мерекелік кеш қонақтары!

/2-слайд/

1-жүргізуші:

Ел тәуелсіздігінің 26 жылдығына арналған “ Тәуелсіздік-теңдесі жоқ байлығым» атты бастауыш сынып оқушыларының мерекелік кешіне қош келдіңіздер!

Бұл міне, менің елім , Қазақ деген, Өткерген сан ғасырды азаппенен,

130 ұлт ұйысып уысында,

Тіршілік етіп жатқан ғажап мекен.

2-жүргізуші :

Тәуелсіздік -теңдігім 26 жылдық ерлігім Тағдыр берген тартуға, Тарылмасын кеңдігім.

/3-слайд/

1-жүргізуші:-Иә,дұрыс айтасың досым ,Тәуелсіздік жолы – ұзақ жол, ол ата-бабаларымыздың жолы, ерлік жолы.

2-жүргізуші :-Міне,Қазақстанның тәуелсіздікке қол жеткізіп,төбесіне көк байрағын желбіреткеніне 26 жыл болды.

Олай болса,ұлан-ғайыр жері,өлшеусіз байлығы бар,жүзінде нұр,жүрегінде иман ұялаған қазақ атты халық үшін «Менің мемлекетім -жас мемлекет» -деу әрине, артық.

/4-слайд/

Мерекелік кешке құттықтау сөз.

1-жүргізуші:

26 жылда өткердік Тағдырдың талай сынағын

Шыдамды шырақ,қыраным, Шырқатады жыр-әнін.

2-жүргізуші: «Жаса ,Қазақстан!» әні.

/5-слайд/

1-жүргізуші:

Аман болсын Елбасым. Арқалаған ел жүгін.

Елбасымыз бастаған, Жасасын мәңгі-елдігім.

/6-слайд/

1-жүргізуші:-Әрине,достым,сенімге шек келітіріп болмас,болашаққа деген ұмтылысын,балалық қуанышын досымыз «Бұлқынды жүрек» әнімен жеткізеді.

2-жүргізуші: Олай болса, бірге тыңдайық!

1-жүргізуші : Досым ,Мен тәуелсіздіктің тірегі,

Отанымыздың жүрегі -Астана,бейбітшілік пен молшылықтың

белгісі де Астана- деп білемін.

/7-слайд/

2-жүргізуші: Елбасымыз Ару қала Астана төріне жаңарған қазақ елінің символы ретінде «Бәйтерек» ағашын бекер таңдамаған болар.

Олай болса,Қазақстан халқының арманы мен мақсатын,ынтымағы мен ырысын арттырған «Бәйтерек-Астана» монументі жайлы сыр шертейікші!

1-жүргізуші:

«Жаса,Жаңа Астанам!

Өркен жая бастаған!» қойылымын көрсетеді.

(Осы кезде музыка ойналып, көрініс басталады. )

2-жүргізуші : 3 оқушы орындауында « Астана»әні.

/8-слайд/

1-жүргізуші:

Үлгі бізге аталардың ерлігі,

Ұлағатты өнегесі, теңдігі.

2-жүргізуші :

Тәуелсіздік туын ұстап жоғары,

Бүгінгі ұрпақ – болар елдің ертеңі, –

/9-15слайд/

2-сынып оқушылары Тәуелсіздік жайлы жыр шумақтарын арнайды.

(Тақпақтар оқылады.)

Хор:«Көк тудың желбірегені әні»

/16-слайд/

2-жүргізуші : -Сен өзіңді бақытты елдің ұланымын- деп санайсың ба ?

1-жүргізуші :-Әрине, мен өзімді бақытты ұланмын-деп санаймын, өйткені, менің қасиетті ана тілім, ардақты да аяулы ата-анам, сүйікті туған елім бар.

/17-слайд/

2-жүргізуші :Ендеше, бақытты балдырғандардың орындауында

«Өзбек» биін қарсы алайық.

/18-слайд/

1-жүргізуші :Жасадық жаңа Астана,

Астана бүгін –бас қала.

Астанаға арнаған

Өнерің бар ма басқа да?

2-жүргізуші: Бақытты жолды таңдадық.

Өлең де ,жыр да арнадық.

Күмбірлеген күйменен,

Бабалар үнін жалғадық.

/19-21 слайд/

1-жүргізуші :3 – сынып оқушыларының орындауында «Кеңес»күйі.

/22-слайд/

1-жүргізуші : 26 жылда жаңарып,

Орындалды сан арман.

«Қазақ» бимен жетер ме –ау,

Ойымдағы бар арман.

2-жүргізуші : Биші қыздарымызды қарсы алайық./ «Қазақ биі»/

/23-слайд/

1-жүргізуші :

Тәуелсіз –байтақ даламыз,

Астана -ару қаламыз.

Аман болсын Елбасы,

Нұрсұлтандай данамыз.

2-жүргізуші : Даламыз әсем гүлімен,

Бабамыз көсем жырымен.

Бақытына бөленген,

Тәуелсіздік – нұрымен.

/24…-слайд/

Хор. « Қазақ елі»

1-жүргізуші :- «Тәуелсіздік- теңдесі жоқ байлығым»

атты мерекелік кешіміз аяқталды.

1,2-жүргізуші:-Қош ,сау болыңыздар!