Адилова Гулбаршин Сакеновна

Ақмола облысы Көкшетау қаласы білім бөлімі жанындағы МКҚК №38 «Сәуле» бөбекжай – бақшасы

Тел: (87162)-32-78-51

Ашық сабақ

«Ауа және оның адамның өміріндегі орны»

Орындаған тәрбиеші:

Адилова Гулбаршин Сакеновна

сот: 8707-771-14-31

Көкшетау – 2017 ж.

Тақырыбы: «Ауа және оныңадамның өміріндегі орны»

Мақсаты: Тәжірибе жұмысы арқылы ауаның барлық жерде бар екенін түсіндіру. Тіршілік үшін ауаның маңызы зор екендігін дамыту. Өсімдіктер

ауаны тазартатындығын естеріне түсіре отырып, табиғатты сүюге , оны қорғауға тәрбиелеу.

Тәрбиеші: Сәлеметсіздер ме, қонақтар!

Сәлеметсіздер ме, балалар!

Здраствуйте, дети!

Hello children!

Көңіл – күйлерің қалай?

Ауа – райы қандай?

(Жылаған дауыс естіледі.) Бұл кім екен? (Түлкі кіреді.) (музыка)

Түлкі: Менің шарым кішірейіп қалды. Не істеймін?

Тәрбиеші: Жылама, түлкіжан, жылама! Балалар түлкіге көмектесеміз бе?

Балалар, иә.

(Судағы балықтың музыкалық әуені естіледі.)

Аквариумнан Алтын балық шығады.

Алтын балық: Менің тынысым тарылып тұр. Көмектесіңдерші…

Тәрбиеші: Балалар, Алтын балыққа да көмек керек екен.

Көмектесеміз бе?

Балалар: иә.

Жұмбақ жасыру: Бар ма, жоқ па, оны анық білмейсің, ол жоқ жерде өмір сүріп жүрмейсің… Ол не?

(АУА)

Тәрбиеші: Таза ауа болмаса адамдар, өсімдіктер, аң – құстар, барлығы өмір сүре алмайды. Ауасыз тіршілік болмайды. Ал сендер ауаны көрдіңдер ме?

Балалар: жоқ.

Тәрбиеші: дұрыс, ауа көрінбейді. Балалар, ғалым деген сөзді кім біледі?

(Ол – барлығын біледі. Ол – ақылды. Кітапты көп оқиды. Ол – білімді, Заттарды бақылайды.)

Тәрбиеші: дұрыс, ғалымдар заттарды бақылайды.

Ғалымдар қайда тәжірибе жасайды? Біз қазір зертхананға барамыз. Онда ережелерді сақтау керек.

1)рұқсатсыз ештеңеге тиіспеңдер.

2)қатты сөйлемеңдер.

3)бір – біріңді тыңдаңдар.

Түсінікті ме?

Балалар: иә.

Тәрбиеші: біз сиқырлы сөздер айтсақ, 3 тілде беске дейін санасақ, барлығымыз ғалымға айналамыз. Енді біз ғалымбыз.

Орысша, қазақша, ағылшынша санау.

Ал кәне, машинаға отырып, зертханаға барайық.

Тәрбиеші: қараңдаршы, зертхана немен безендірілген?

(Шармен.) Біреуі кішкентай, оған не болған?

1 – тәжірибе: шар үрлеу.

Ауамен шар үлкейеді.

Түлкі: түсіндім, мен енді шарымды ауа беріп, үрлеймін. Рахмет, сендерге.

2 – тәжірибе: су құйылған стақандағы суды түтікшемен үрлеу.

Көпіршіктер шығып, ауаны үрлеп шығарамыз.

Тәрбиеші: Ғалымдар, алтын балық неге тұйшықты? (Ауа жетпеді, су керек болды).

Алтын балық: Қандай керемет! Рахмет!

Ойын: «Ауа қайда тығылды?»

3 – тәжірибе: желпуішті өзімізге қарай желпу.

-Не байқадыңдар? (Суық желдің ауасын )

4 – тәжірибе: полиэтилен целофан қалтамен. Балалар, қане ауаны көріп тұрсыңдар ма? Ұстап ала аламыз ба? (жоқ)

Тәрбиеші: Ненің иісі шығып тұр? (апельсин, қияр)

Бұл, ауаның иісі ме? (жоқ)

-Дұрыс, ауаның иісі болмайды.

5 – тәжірибе: майшаммен.

-Қалай ойлайсыңдар? Ауаны не ластайды? (үйдің түтіні, зауыт пен көліктердің түтіні.

Сергіту сәті: шармен.

-Қай жерде ауа таза? Қалада ма, әлде орманда ма?

-Ауа таза болу үшін не істеу керек?

(Ағаштар, гүлдер өсіру керек. Таңертең қалада шаң болмау үшін жолдарға су құяды.)

-Ал, топта, үйде не істейміз? (Терезені ашып желдетіп, ауаны тазартамыз, еден жуамыз, шаң сүртеміз, гүл өсіреміз.

-Дұрыс.

-Бізді ауа қоршайды. Біз ауамен дем аламыз. Ауасыз өмір сүре алмаймыз.

-Біз бүгін қайда болдық? (зертханада)

-Онда не істедік? (тәжірибе жасадық)

-Не туралы? (ауа)

-Ауа қандай? (түссіз, иіссіз, көзге көрінбейтін)

Слайд көрсету.

-Біздің балабақшаға қайтатын уақытымыз келді. Кәне бәріміз 5 – ке дейін санайықшы, сосын бала қалпымызға айналайық.

-Жарайсыңдар!

Барлығы бірге: Рахмет күн, жылуың үшін!

Рахмет су, сусынымды қандырған үшін!

Рахмет ауа, демалтқан үшін!

Рахмет қонақтар, бізді қолдаған үшін!

Сыйлық беру. Машинаға отырып бақшаға қайту. Жолдағы кедергілерден өту.