Қазақстан-Менің Отаным

Сабақтың тақырыбы: Қазақстан-Менің Отаным

Күні: 24-қараша 2017 ж.

Оқушылардың көбісі мынаны орындай алады: «Отан» деген ұғымның мағынасын түсінеді.Топтық жұмысты бірлесе орындайды. Өз бетінше жұмыс жасайды. Сұраққа жауап береді.

Оқушылардың кейбіреуі мынаны орындай алады: Астанадан Алматыға жету жолын таба алады. Оқулықтан тыс берілген қосымша тапсырмалады орындайды, тақырып бойынша қосымша мәліметтер мен дәлелдер келтіре алады.

• Топтық тапсырмаларды орындай алады.
• «Отан» деген ұғымның мағынасын түсінеді.
• Өз туған жерін картадан тауып көрсетеді.
• Синквейн құрастырады
• Каспий теңізі мен өзен-көлдерді картадан таба алады.

2 минут

Шаттық шеңбері

Отан деген – атамекен

Отан деген – туған жер

Отан – ана, Отан – үлкен

Қазақстан – туған ел!

2 минут

Оқушылар топ басшыларын сайлайды.

Топ ережесін еске түсіру.

Бағалау критерийлерімен танысады. Сол бойынша бағаланады.

5 минут

1.тоғыз, қорық, жол – О

2.тамыр, жастық, текемет – Т

3.адам, картоп, шумақ – А

4.үлкен, орман, нар – Н

Балалар ОТАН деген сөзді тауып алады.

ОТАН – РОДИНА – НОМЕLAND(хамланд)

Сұрақтарға жауап береді:

• Отан деген ұғымды қалай түсінесіңдер?

• Біздің Отанымыз қалай аталады?
• Оқушылар сабақтың тақырыбымен танысады. Қазақстан – менің Отаным.

Оқушылар оқулықтағы ақын Садықбек Хангелдиннің өз Отанына арнап жазған өлеңін мәнерлеп оқиды.

• Бұл өлең шумақтарынан не түсіндіңдер?

Оқулық

Слайд

10 минут

Оқушылар берілген №2 конвертті ашады. Ол үшін әр топқа пазлдың бір бөлігі мен жұмбақ беріледі. Жұмбақтың шешуін тапқан топ өз пазл бөлігін тақтаға іледі.

• 1.Ол қала – арман қала

Бағы бір жанған қала

Сұлулықты төккен қала

Ол қала – бас қала (Астана)

• 2.Аты оның тәтті жеміс есіміндей

Жемісі халқының мол несібіндей.

Білмесең бұл қаланы онда сенің

Қалады қателігің кешірілмей (Алматы)

• 3.Есімінде екі сөз бірігіпті

Балалар бірін ұқпай, бірін ұқты

Ақпанда суық жақтан барған кісі

Бұл қалаға барғанда жылыныпты (Шымкент)

• 4.Қайнаған қалың байлық ол қалада

Маңына жайып отыр миллион жанды

Байқасаң қара алтынды кенін көріп

Маңызы табысының өте мәнді. (Қарағанды)

«Жариялау» әдісі

Әрбір топ берілген жұмбақ бойынша өз жауаптарын жариялау керек.

Пазл бөліктерінен Қазақстанның картасы шығады.

Оқушылар оқулықтағы мәтінді оқиды.

Қазақстанда көрікті, тарихи қалалар өте көп. Ежелгі қалаларға: Түркістан, Тараз, Алматы жатады. Бұл біздің Отанымыздың тарихы тереңде жатқанын білдіреді. Біздің әсем қала Астана – еліміздің бас қаласы. Еліміздің қалалары бір-бірімен теміржол арқылы байланысады. Орал қаласынан Алматыға дейін теміржол арқылы барса, екі күндік жол болады. Бұл біздің Отанымыздың аумағы үлкен екенін көрсетеді.

Дәптермен жұмыс:

• Оқушылар Қазақстанның кескін картасынан Каспий теңізін, Жайық, Ертіс, Сырдария өзендерін, Астана, Алматы, Тараз қалаларын тауып, атауларын жазады.
• Кестеде берілген қалалар мен өзендер Қазақстанның қай жағында орналасқан?

Оқулық.

жұмбақтар

Оқулық.

Жұмыс дәптері

2 минут

5 минут

Әр топ Қазақстанның бір қаласының немесе бір өзенінің атауын тақырып етіп алып синквейн жазады.

Синквейн (бес жолды өлең)

1.Астана

2.әдемі, көрікті

3.дамыды, көркейді

4.Мақпал Астанаға қыдыруға кетті.

5.қала

Топтық жұмысқа арналған ресурстар

Сабақты бекіту

3 минут

Оқушылар сұрақтарға жауап береді (иә, жоқ)

1. Қазақстан жері кең байтақ

2. Қазақстанда Каспий теңізі бар

3. Астанасы – Астана қаласы

4. Мемлекеттік тіл – орыс тілі

5. Қазақстанда Алтай тауы бар

6. Мемлекеттік тіл – қазақ тілі

7. Ертіс, Сырдария, Есіл, Жайық – өзендері бар

8. Ежелгі қалалар – Тараз, Алматы, Түркістан

9. Ұлты – қазақ

10.Қазақстан – менің Отаным!

Тақырып бойынша түйген білімдерін жазады.

Бағалау

5 минут