Жамбыл облысы Шу ауданы Көктөбе ауылы
Шу ауданы әкімдігінің білім бөлімінің
«Жамбыл атындағы орта мектебі» КММ
Тарих пәні мұғалімі: Джумабеков Данияр 1 санат
Тарихы: Спортзалға кіргенімде, бастауыш сынып оқушыларының «Ақ терек — көк терек» ойынын ойнап жатырғанын көріп: «Неге осындай ұлттық ойындарымызды ұлттық педагогикаға бейімдеп сабаққа пайдаланбасқа» — деген ой келді. Сөйтіп, кабинетіме келіп ойластырып, сабақта қолданып көрдім. Сәтті шықты. Екі сыныпқа қолданып көрдім, бір сыныпқа үй тапсырмасын сұрауда, екінші сыныпта жинақтауда, ойымнан күткендегіден жақсы шықты.
«Ақ терек — көктерек» Әдістеме
Оқушыларды бес топқа бөліп отырғызып, екі топтың оқушыларын тақта алдына шығуын сұрадым. Оқушылар екі жаққа бөлініп, қатар қатар қол ұстасып тұрды. Бірінші топ ақ терекпен көк терек бізден сұрақты кім қою керек деп екінші топқа айтады, ал екінші топ ақ терек пен көктерекбізге сұрақты аружан қою керек деді. Сұраққа жауап берсе жүгіріп үзуге құқық алады, ал егер сұраққа жауап бере алмаса орынына барып отырады, яғни, ойыннан шығады. Жауап беріп жүгіріп, үзіп өтсе қалаған оқушыны өз тобына қосып отырады. Үзе алмаса сол топта қалады да сұрақ қоюды оқушы қалған топ иеленеді.
Ойынға берілген 7 сынып оқушыларым белсенді түрде барлығы қатысты.
Сабағыңызда ұтымды қолданып,өз халық педагогикамызды жас ұрпаққа түрлендіре жеткізу арқылы жетілдіре аласыз.Сіздің қосқан үлесіңіз маңызды деп есептеймін.