Шығыс Қазақстан облысы, Жарма ауданы,
Қапай батыр ауылындағы Васильковка негізгі
мектебінің бастауыш сынып мұғалімі
Дөненбекова Салтанат Серікханқызы
Сабақтың тақырыбы: Түбір мен қосымшаның жазылуы.
Сабақтың мақсаты:
а) білімділік: Түбір мен қосымша жайлы алған білімдерін жинақтау, пысықтау. ә) дамытушылық: Ауызша және жазбаша тілдерін дамыту. Байланыстырып сөйлеу қабілеттерін арттыру. Шығармашылық жұмыс түрлері арқылы белсенділіктерін арттыру.
б) тәрбиелік:Ұлттық салт – дәстүрлеріді қадірлей білуге, ұлтжандылыққа, адамгершілікке тәрбиелеу.
Сабақтың әдіс тәсілдері: сұрақ – жауап, ойын, ой қозғау.
Сабақтың көрнекілігі: кәмпит – сұрақтар, қамшы, сақина, орамал.
Сабақтың түрі: дәстүрден тыс, ұлттық ойын сабағы.
Сабақтың барысы:
І. Ұйымдастыру кезеңі. Оқушылардың назарын сабаққа аудару.
ІІ. Үй тапсырмасын тексеру. 56 – жаттығу.
Балалар қар күреді,
Қарды ауладан ары күреді.
Күрегі бардың бәрі күреді.
ІІІ. Жаңа сабақ. Кіріспе әңгіме.
Мұғалім: — Біздің бүгінгі сабағымыз күнделікті өтіп жүрген сабақтан өзгеше, ұлттық ойын сабағы.
— Қазақтың қандай ұлттық ойындарын білесіңдер ?
— Алтыбақан, хан талапай, қыз қуу, аударыспақ.
1. «Шашу».
Қазақ халқы кішігірім қуаныштың өзіне қуанып, шашу шашып, ақ тілегін көрсеткен. Ендеше, сендердің нұрлы келешектеріңе қуаныш, сәттілік тілеп, шашу шашайық.
— Мына кәмпиттер жай кәмпиттер емес, сиқырлы кәмпиттер. Олардың әрқайсысында сұрақтар жазылған. Осы сұрақтарға дұрыс жауап берілсе, кәмпитіміз шын түріне айналады.
-Сөз дегеніміз не ?
— Түбір сөз дегеніміз не?
— Туынды сөз дегеніміз не?
— Қосымшалар нешеге бөлінеді ?
— Түбір сөздің соңғы буыны жуан болса, оған жалғанатын қосымшалар қандай болады ?
— Түбір сөздің соңғы буыны жіңішке болса, оған жалғанатын қосымшалар қандай болады ?
— Қандай қосымшалар жалғанғанда кейбір түбір сөздердің түбірі өзгереді ?
2. «Орамал тастамақ» ойыны. 60 – жаттығу.
Шарты: мына орамалды кез келген оқушының алдына тастаймын, сол оқушы тақтаға шығып, тапсырманы орындайды.
Халық – халқы, ерік – еркі, құлып – құлпы, орын – орны, бөрік – бөркі.
Ереже қайталау: Түбір сөзге ы, і қосымшалары жалғанғанда, кейбір сөздердің түбір сөзінің жазылуы өзгереді.
3. «Асық алу» ойыны.
Шарты: әрбір оқушыға асық нөмері бойынша карточка беру, карточкамен жұмыс жүргізу.
- 4. «Қыз қуу» ойыны.
Шарты: Тақтаға бір ұл мен бір қыз оқушы шығады. Тапсырманы бірінші орындаған оқушы жеңіске жетеді. Ұл жеңілсе, қызға қамшымен арқасынан ұрғызады. Қыз жеңілсе, өз өнерін көрсетеді.
Тапсырма:
Сөздерді сөз құрамына талдау: сызғыш, үйректер, оқыды.
- «Сақина салмақ» ойыны. 62 – жаттығу.
Тізбектің басында тұратын сөзді табу. Түбір сөзді қатыстырып сөйлем құра.
ІҮ. Сабақты қорытындылау.
— Түбір сөз дегеніміз не ?
— Қосымшалар нешеге бөлінеді ?
Ү. Үйге тапсырма. 63 – жаттығу. 139 – бет.
ҮІ. Бағалау.
