15.09.2014 жылдан бастап SZH.KZ- Сұрақ-Жауап сайтында елімізге танымал тұлғалармен интернет-конференциялар сериясын ұйымдастыруды бастады. Көкейіңіздегі сұрақтарды қойып, оған ресми тұлғалардан жауап алуыңызға болады. Интернет-конференцияның алғашқы қонағы – Мұрат Әбенов мырза.
Мұрат Әбенов мырзаға білім саласы мен қазақ тілінің мемлекеттік құрылымдардағы дамуына, оның интернеттегі рөліне қатысты сұрақтарыңыз болса, қойыңыздар.
Сұрақты сайттағы арнайы Интернет-конференция үшін ашылған Мұрат Әбенов санатын таңдап қоюларыңызды сұраймыз. Ескерте кетейік, сұрақтар 19.09.2014 ж дейін ғана қабылданады және олар жоғарыдағы тақырыптарға ғана қатысты болуы керек.
Интернет-конференция «Қазақстанның Интернет Ассоциациясы» заңды тұлғалар бірлестігі мен Қазақстан Республикасының Мәдениет және спорт министрлігінің қолдауымен жүзеге асып жатыр.
Арнайы 45minut.kz қолданушылары үшін хабарландыру: 45minut.kz Республикалық ұстаздар сайтының қолданушылары Редакция атынан сұрақтарын қоюға болады. Редакция атынан сұрақ қойылған кезде сұрақ қоюшының аты-жөні көрсетілмейді және құпиялылық сақталады. Редакция атынан сұрақ қою үшін redaktor@45minut.kz почтасына хат жолдаңыз…
Мұрат Әбенов мырза. Қысқаша өмірдерек:
1992 жылдан — Қызылорда қалалық әкімшілігінің қоғамдық пікірді болжау және баспасөз бөлімінің бас маманы;
1993 жылдан — «Атамекен» ЖШС-де коммерциялық іс-әрекет бойынша директордың орынбасары (Апматы қаласы);
1999 жылдан — Қызылорда облысы әкімі аппаратының ұйымдастырушылық-бақылау бөлімінің кеңес берушісі;
2000 жылдан — Қызылорда облысының мемлекеттік қызмет істері бойынша басқарма агенттігінің бастығы;
2002 жылдан — Қызылорда облысы ішкі істер департаментінің директоры;
2005 жылдан — Қызылорда облысы әкімінің орынбасары;
2007 жылдың ақпан айынан тамыз айына дейін — Қызылорда облысы әкімі аппаратының жетекшісі;
2007 жылдың қыркүйек айынан бері — ҚР Парламенті Мәжілісі 4-ші шақырылымының «Нұр Отан» ХДП тізімі бойынша депутаты;
2012 жылдың 12 қарашасынан бастап Қазақстан Республикасының Білім және Ғылым вице-министрі;
2014 жылдың маусым айынан бастап «Өрлеу» Ұлттық орталығы» АҚ-ның Директорлар кеңесінің төрағасы.
