Мен және заң

Сабақтың түрі: Дәстүрден тыс, жарыс сабақ.

Әдіс тәсілі: Түсіндіру, сұрақ – жауап, ой шақыру.

Көрнекілігі: ҚР Конституциясы, түрлі заңдар, екі топ шығаратын газеттер, төс белгілері, ұлағатты сөздер.

Барысы:

I. Ұйымдастыру кезеңі:

1. Амандасу.

2. Оқушыларды тізім бойынша тексеру.

3. Сабақ мақсаты мен барысымен оқушыларды таныстыру

II. Кіріспе:

Адамдар арасындағы қарым қатынастың қоғамдағы демократиялық жолы тікелей құқықтық тәрбиеге байланысты. Ұлы ойшыл Платонның көзқарасы бойынша, өркениетті мемлекет ақыл ой ұштасуынан дамиды. Құқықтық мемлекет құру үшін азаматтық қоғам орнату қажетті. Азаматтық қоғам мүшелерінің құқықтық санасы мен мәдениеті жоғарғы деңгейде қалыптасуы керек. Жеке тұлғаның құқықтық дамуы – құқықтық (құқықтану, құқыққа көзқарасын қалыптастыру, құқықтық қатынасты жақсарту және т.б.) тәрбиенің арнайы мақсаты. Әйгілі Перикл де мемлекетті басқару жүйесін жетілдіруде құқықтың алатын орнын айрықша атаған. Сондай – ақ, Аристотель адамдардың құқықтық жағдайларын жақсарту мақсатында азаматтық қоғам құру – құқықтық меемлекеттің негізгі нысаны екендігіне өзіндік бағдар береді. Ежелгі Римнің саяси қайраткері Марк Тулли Цицерон «Мемлекет барлық еркін адамдардың келісімімен және құқықтық қатынастан тұрады» деп түсіндіреді. Ежелгі дәуір ойшылдарының тұжырымдарынан олар азаматтардың құқықтық жағдайларын жақсартуға, әрі демократиялық құқықтық мемлекет құруға талпыныс жасағанына көз жеткізуге болады.

III. Сайыс(Оқушылардың екі топқа бөлінуі).

1.     Әділқазылар алқасымен таныстыру.

I. БӨЛІМ            «КӨКПАР»

Екі топ өздерін таныстырып, шығарған газеттері мен төс белгілерін қорғайды.

II. БӨЛІМ         «ЗАҢ ЖӘЕ БІЗ»

Екі топқа ауызша сұрақтар қою арқылы жарысқа қатысқан екі

топтың құқықтық білімінің қаншалықты терең екендігін байқаймыз.

Бірінші топ:

1.     «Конституция» деген сөздің аудармасы қалай?

2.     Қазақстан тарихында қабылданған қандай заңдарды білесің?

3.     Егемендік алғаннан кейін ҚР – да Конституция қанша рет қабылданды?

4.     ҚР да балалардың құқықтары туралы Заң қай жылы қабылданды?

5.     ҚР ның бала құқығы туралы Заңы қанша баптан тұрады?

Екінші топ:

1.     Құқық дегеніміз не?

2.     Қылмыс дегеніміз не?

3.     Жаза дегеніміз не?

4.      Жазаның түрлерін ата.

5.     ҚР Конституциясы қанша тарау, қанша баптан тұрады?

III. БӨЛІМ       «ЗАҢ БАСТЫ БАҒДАР»

Әр топ өздері дайындап келген рөлдік көрініс көрсетеді.

IV. БӨЛІМ               «ДЕБАТ»

Екі топ берілген сұрақтар бойынша екі нұсқаны таңдайды «А» немесе «Ә», осы нұсқалар бойынша өз ой – пікірлерін айтып, өз жауаптарын дәлелдейді.

v Қазақ тілі мемлекеттік дәрежеде дамып отыр ма? «А» – ия, «Ә» – жоқ.

v Өлім жазасы керек пе? «А» – ия, «Ә» – жоқ.

ҚР Президенті тапсырмасымен өлім жазасына маратории жарияланды. Біз де өз үлесімізді қосып, заңгер болмасақ та ойымызды еркін айтуымызға болады.

ІСКЕ СӘТ!