Аксонометриялық проекциялар

Ақтөбе облысы, Байганин ауданы, Қаражар ауылы, Қаражар орта мектебінің
еңбек және сызу пәнінің мұғалімі Ергалиева Гүлшара

Сызу пәні 9-сынып.
Сабақ тақырыбы:  Аксонометриялық проекциялар
Мақсаты:   б)  Оқушылардың аксонометриялық проекциялар туралы біліктілігін арттыр отырып, оның түрлерімен таныстыру;
д) ойлау дағдысын қалыптастырып, координаталар жүйесі туралы білімін дамыту;
т)  балалардың өзіндік шығармашылық ізденісін қалыптастыра келе тиянақтылыққа тәрбиелеу;
Түрі:  Аралас сабақ
Әдісі: теориялық-практикалық білім байланысын қалыптастыра графикалық ойын сайыс  және түсіндірмелі сызба жұмысы.

Сабақ барысы

1 ұйымдастыру : Сәлемдесу,түгендеу,сабаққа назарын аудару.

2 өткенді еске түсіру;  Оқушыларды кезекпен тақтаға шығарып, сұраққа жауап алу арқылы сайыс өткізу.

Сұрақтар: 1 біз аксонометрияда неше ось пайдаланамыз? (3)

3  У осінің атауы (ордината)

4  Z осінің аталуы (аппликата)

5 Координаттар жүйесі деген не? (х,у,z)

6  Осьтер бойынша қандай өлшемдер салынады? (ені,ұзындық,биіктік)

7  Координаталық сынық сызық деген не? (нүктенің координатасы бойынша салынған проекциясы)

8  Аксонометрия сөзі қандай ұғымды білдіреді? (осьтер бойынша өлшеу)

9  Г.Монж деген кім? (француз ғалымы)

10  Эпюр деген не? ( француз сөзі-сызба дегенді білдіреді)

Графикалық ойын: Тақтада қол көтерген оқушы шығып, М,N,Р,Q және С,Д,Е нүктелерінің проекцияларын табады.

3 жаңа сабақ     

Тақтада сыза отырып, балаларға натурал координаталар жүйесі және натурал координаталық сынық сызық туралы түсінік беру. Охуz – аксонометриялық координаталар жүйесі екенін айтып, балаларға түсіндіру. Сонымен қатар нүктелердің аксонометриялық проекциясын табу әдісін түсіндіре меңгерту. Абсциссалар осіне параллель кесіндінің проекциясына қатынасының кері шамасын х осі бағытындағы бұрмалану көрсеткіші , ал у осінепараллель кесіндінің проекциясына қатынасының кері шамасын у осі бағытындағы бұрмалану көрсеткіші, сол сияқты z осіне параллель кесіндінің проекциясына қатынасының кері шамасы  z осі бағытындағы бұрмалану көрсеткіші деп атайды. Формуланы тақтада жазып көрсету. Проекциялау бағыты пр.жазықтығына ┴    болса, аксонометрия тікбұрышты деп аталады.  Егер проекциялау бағыты ┴ болмаса ,онда аксонометрия қиғаш бұрышты деп аталады.Жалпы жағдайда U ≠ V≠   W.  Жеке түрі U=V=W.  Тікбұрышты аксонометрияны изометрия, қиғашбұрышты аксонометрияны фронталь диметрия деп атайды.

4 сарамандық жұмыс  

Балалар өз бетінше 1 тапсырманы орындайды. ΔАВС аксонометриясын салады.

5 сабақты бакіту  

оқушылардан сұрақтарға жауап алу. «Жорға жауап » ойыны  бойынша білімдерін нақтылау.  Жеңімпаздарды марапаттау. Жұмысы мен қоса бағалау. Үйден 2 тапсырманы орындап келу.