4 –саны және цифры. Ашық сабақ

Қостанай облысы, Рудный қаласы, № 19 орта мектептің
жарты күндік шағын орталық тобының тәрбиешісі
Бугенбаева Тажида Асанбайқызы

Білім беру саласы: Таным     Бөлімі:Математика
Тақырыбы : 4 –саны және цифры.
Мақсаты: балаларға математика ұғымдары туралы түсінік беру. 4-санының құрамын , геометриялық пішіндер, сандарды санау, пішіндерден көрініс құрау іскерлік дағдылар -ын бекіту,ойлау қабілетін, есептеу білімін кеңейту.
Әдісі : түсіндіру ,сұрақ –жауап, ойын.
Көрнекіліктері : желім, қағаздар, пішіндер, құстар, үлкен конструкторлар.

Мотивациялық – қозғаушылық:

Шаттық шеңбер

Күндей жадырап,

Айдай арайлап,

Жұлдыздай жарқырап,

Судай мөлдір ,таза көңілмен,

Бүгінгі күнімізді бастайық.

Ғажайып сәт

Балалар көңіл күйлерің қандай?             -Жақсы .

Ендеше одан да жақсы болу үшін , бір-бірімізге қуаныш сыйлаймыз. Барлығымыз бір-бірімізге  күліп қараймыз.                      -Бір-біріне күліп қарайды.

 

Балалар бүгінгі  сабағымызға қонаққа  торғай келді.Торғайға өз білімімізді көрсетемізбе?

Торғай  бізде қыстап қалған құстардың бірі, сондықтан біз құрмет көрсетуіміз керек.

Ұйымдастыру –іздену

Балалар қане маған 5-ке дейін санап беріңдерші. 1,2,3,4,5.

Ал енді кері санаймыз5,4,3,2,1

Енді біз 1,2,3 сандарымен толық танысқанбыз. Ал , қазір 4-санының құрамымен танысамыз.(4-саны бар суреттер, шарлар , текшелер)  таныстыру.

Қане, балалар  тақтаға келіңдерші, мынау ағашта тұрған тиіндерді  көріп тұрсыңдарма? Тиін қанша?

-1,2,3,4.

Ал ,енді есеп  шығарамызба?                                                       –  ия

4 тиіннің 3-еуі ініне кіріп кетті, қанша қалды?                  -1тиін.

Дұрыс , осы 1 тиінге 2тиін  қосылды?                                  -3тиін

 

Оң қолымда 2 –алма,

Сол қолымда 2-алма.

Барлығын қосқанда,

Болып шықты неше алма?                                                     -4алма

 

Балалар біз санды естиміз , айтамыз, ал сол санды цифрмен белгілейміз. Тақтаға 4 санын жазып көрсету.

Ал енді 4 цифрын ауада жазайықшы.                                   –ауада жазады.

Ой қозғау

Ал енді орнымызға отырамыз.

Мынау қандай пішіндер?                                                       -төртбұрыш,үшбұрыш,

дөңгелек.

Түстері қандай?                                                                      -қызыл ,көк, сары.

 

 

 

Төртбұрыштың қабырғаларын санаймыз.                           -1,2,3,4.

Қанша қабырғасы бар екен?                                                  -4қабырғасы бар.         Сондықтан төртбұрышы бар  пішінді тіктөртбұрыш -деп атаймыз.

Ал осы сыныбымызда төртбұрышқа ұқсас зат барма?          -терезе,шкаф,стол,тақта,т.б

 

Пішіндердің суретін көрсетемін .

 

Сергіту сәті:

Орнымыздан тұрамыз,

Мойнымызды бұрамыз.

Қолымызды көтеріп,

Саусақты ашып-жұмамыз.

Сонан соң, төмен түсіріп,

Алақанды соғамыз.

Иықты артқа ысырып,

Басты төмен саламыз.

Жаттығу жасап осылай,

Үлкен боп ертең  шығамыз!

 

Қане балалар санамақ айтамыз.

Бір дегенім-бөрік

Кисең берер көрік.

Екі дегенім-етік,

Киер сәнді етіп.

Үш дегенім-ішік,

Теріден тігер пішіп.

Төрт дегенім-тымақ,

Қысқа кисең жылы-ақ.

Бес дегенім-байпақ,

Іші жылы жайпақ.

Алты дегенім-алқа,

Мойныңа тақ қалқа.

Жеті дегенім-жейде,

«Көйлек» деп жүр кейде.

Сегіз дегенім-сеңсең,

Жылысы тонның ,сенсең.

Тоғыз дегенім-телпек,

Болма , бала, тентек.

Он дегенім-оймақ,

Жүрме босқа ойнап.

 

Қазір қандай мезгіл?                                                                                     -қыс.

Ия, қыста келіп қалды.

Балалар  қазір  ауа –райы қандай?                                                               -Суық.

Ендеше торғайға ,қыстап қалған құстарға ұя жасап береміз ба?              -ия

Топтық ойыны: «ұя жасау»

Ал олай болса, 3-топқа бөлінеміз.                                                               -3-топқа бөлінеді.

 

 

Үлкен конструктордан  ұя жасату.

Ұяны құрастырып болдыңдарма? Қандай керемет болып шықты!

 

Ойын : «қимылды қайтала!»

Балалар мына тақтайшадағы  қимыл –қозғалысты қайталайсыңдар.

Шарты : 5-6 тақтайшада әр –түрлі қимылдағы адам бейнесі бар. Балалар теріс қарап тұрады, тәрбиеші тақтайшаны ауыстырып тұрады, балалар бейнеленген бейнені көрсетеді. Дұрыс көрсетпеген бала ойыннан шығарылады.

 

Балалар , сендерге бүгінгі сабақ ұнадыма?               – Ия ,ұнады.

4-саныны құрамын түсіндіңдерма?

Сендерге торғай  ризашылығын білдіріп, қыстап қалғанына еш өкінбейтінін айтып, сыйлық қалдырды.

Балаларға  сыйлық тарату.

 

Күтілетін нәтиже: Балалар 4санының құрамын, жазылуын біледі.

Геометриялық пішіндерді ажырата алуды меңгереді.

Сандарды санауды игереді.