«КЕҢСЕ ҚҰРАЛДАРЫНЫҢ ҚҰПИЯЛАРЫ» сабақтан тыс іс — әрекеттің жұмыс бағдарламасы

сабақтан тыс іс — әрекеттің жұмыс бағдарламасы

Құрастырушы – автор:

Мыңжасарова Светлана Кенбайқызы

информатика пәні мұғалімі

Тұрмағамбет ауылы, 2013ж

«Кеңсе техникасының құпиялары» сабақтан тыс әрекеттің жұмыс бағдарламасы. 5 – 7 сыныптар. Құрастырушы – автор: Мыңжасарова Светлана Кенбайқызы, информатика пәнінің мұғалімі.

 «Кеңсе техникасының құпиялары» сабақтан тыс әрекеттің жұмыс бағдарламасы 11 – 13 жастағы (5 – 7 сынып) балаларға арналған, қазіргі заманғы кеңсе техникасы мен ақпараттық технологияларды пайдалана отырып, ойын, тәжірибе, жобалау және зерттеу іс — әрекеттері арқылы оқушылардың әлеуметтік ілімін қалыптастыруға танымдық өсуін қамтамасыз етуге мүмкіндік береді.

Оқу бағдарламасы бейінді – бағдарлы оқытуға негізделген ақпараттық – технологиялық бағытты көздейді.

 «Кеңсе техникасының құпиялары» сабақтан тыс әрекеттің жұмыс бағдарламасы – «Т.Ізтілеуов атындағы №29 қазақ орта мектебі» мемлекеттік мекемесі, 2013ж, бет.

 Мазмұны:

Түсінік хат……………………………………………………………………………………

Жоспарланған нәтиже………………………………………………………………..

Тақырыптық жоспар…………………………………………………………………

Бағдарлама мазмұны…………………………………………………………………

Оқыту процесін оқу — әдістемелік және

материалды – техникалық қамтамасыз ету түсінігі………………….

Қорытынды……………………………………………………………………………..

Түсінік хат

 Қазіргі заманғы адамның жетістігі жаңа технологияларды білуіне және пайдалана алуына, белсенді өмір көзқарасына, уақытын ұтымды пайдалана алуына және болашағын жоспарлауына байланысты анықталады.

Еңбек нарығындағы қажеттіліктерді зерттейтін аналитиктердің хабарлауы бойынша жақын болашақта өзін — өзі дамытуға, білім алуға және танымдық мақсаттағы іс — әрекеттер қалыптастыруға дайын мамандар қажеттілігі артады. Бұл мамандар ақпараттық технологиялар саласында білімі мен тәжірибелік өтілі үлкен ролге ие кәсіби, әлеуметтік қажеттіліктерді бойларына жинақтайды. Бұл – болашақта табысты, абыройлы, беделді және қазіргі техниканы мүлтіксіз меңгерген жас ұрпаққа міндеттелген талап.

Балаларға сенімді болашақ жасау үшін оларға оқыту бағытын дұрыс таңдауға және кәсіби іс — әрекеттің келешектегі сферасына қажетті ілім алуға жағдай жасау керек.

«Кеңсе техникасының құпиялары» сабақтан тыс әрекеттің жұмыс бағдарламасын игеру кезінде оқушылардың мәтіндік құжаттарды, визиткаларды, түйіндемелерді дайындау, кеңсе техникасымен (дербес компьютер, принтер, сканер, ксерокс) жұмыс жасау дағдылары қалыптасады.

  «Кеңсе техникасының құпиялары» сабақтан тыс әрекеттің жұмыс бағдарламасының мақсаты:

Ақпараттық технологиялар мен қазіргі кеңсе техникаларын пайдалана отырып оқушылардың ақпараттық және компьютерлік сауаттылығын қалыптастыру.

 Міндеттері:

Білімділік:

—         ақпаратты құру және құрылымдау дағдысын қалыптастыру;

—         берілген тапсырмаға орай деректерді өңдеуге арналған сәйкес бағдарламаларды пайдаланып, деректерді көрсету тәсілдерін (кесте, сызба, диаграмма) таңдай білу;

—         компьютерлік бағдарламалар мен Интернетті қауіпсіз және орынды пайдалана білу дағдысын қалыптастыру.

 Дамытушылық:

—         қазіргі кеңсе техникасы мен ақпараттық технологияларды пайдалу арқылы зерттеу және жобалау жұмыстарына танымдық қызығушылығын арттыру.

 Тәрбиелік:

—         ақпараттармен күрделі әрекеттер жасацу арқылы өзін — өзі тану мен өзін — өзі дамыту қажеттілігін қалыптастыруға ықпал ету.

«Кеңсе техникасының құпиялары» сабақтан тыс әрекеттің жұмыс бағдарламасы 11 – 13 жастағы (5 – 7 сынып) оқушылардың сабақтан тыс әрекеттерін үйірме түрінде ұйымдастыруға мүмкіндік береді. Бағдарлама 11 – 13 жастағы балалардың психологиялық – педагогикалық  даму ерекшеліктеріне сәйкес жасалған.

«Кеңсе техникасының құпиялары» сабақтан тыс әрекеттің жұмыс бағдарламасы тақырыптарының мазмұны қазақ тілі, технология және информатика пәндерінің жалғасы болып табылады.

 Сабақ пен сабақтан тыс әрекеттердің байланысы

Іс — әрекет түрлері мен сабақ өткізу формалары

 Бағдарлама сабақтан тыс әрекеттің танымдық және ойын түрлеріне бағытталған. Пікірталас, әңгімелесу, дөңгелек үстел, жобалау және зерттеу формалары бар теориялық және практикалық сабақтарды қарастырады.

Сабақты өткізу орны мен тәртібі

 102 сағат 3 жылда оқытылады (әр жылға – 34 сағат)

 Сабақтар оқу кезінде сабаққа дейін немесе сабақтан кейін аптасына 1 рет жаңа заманғы техникамен (дербес компьютерлер, принтер, сканер, ксерокс) жабдықталған дәрісханада өткізіледі. Демалыс уақытында кеңсеге немесе техникалық компьютерлік орталыққа саяхат ретінде өткізуге болады.

Бұл сабақтан тыс әрекеттің тиімділігі мен нәтижелілігі келесі шарттарға байланысты:

—         оқушылардың қатысу ықтиярлығы мен өзін көрсете білу;

—         баланың бастамасы мен мұғалім бағытының сәйкес келуі;

—         жеке және топтық іс — әрекеттің сәйкес келуі;

—         жұмыстық қызық және жаңалыққа толы мазмұны, формалары мен әдістері;

—         барлық жоспарланған іс – шаралардың нақты ұйымдастырылуы мен ұқыпты дайындығы;

—         іс — әрекеттің болашағының болуы, әртүрлі деңгейдегі зерттеу жұмыстарына қатысу мүмкіндігі;

—         оқушылар белсенділігін арттыру үшін педагогикалық әдістерді кеңінен пайдалану.

 Жоспарланған нәтижелер:

«Кеңсе техникасының құпиялары» бағдарламасын игеру барысында оқушылар жеке, регулятивті, коммуникативті және танымдық әмбебап оқу әрекеттерін, жүйелік білімді игеру дағдысын психологиялық – педагогикалық және аспапты негізде қалыптастырады, ауызбіршілікке, келісімге, коммуникативті, жеке және әлеуметтік мағынаға ие мәселелерді шешуге, шешімдерін практикада қолдану, өзін — өзі тану, өзін — өзі дамыту қабілеттерін қалыптастырады.

Метапәндік нәтижелер төмендегіше әмбебап оқу әрекеттері болып табылады:

Жеке әмбебап оқу әрекеттері:

—         оқу – танымдық негізде өзін — өзі тану қабілеті, соның ішінде бейінді – бағдарлы бағытты таңдауы;

—         өз ойын ашық білдіру және қорғау, құрылымдық диалог жүргізуге дайын болу;

—         әртүрлі қор көздерінен ақпарат алуға, талдау жасауға, керекті білім көздерін табуға дайын болуы;

 Регулятивті әмбебап оқу әрекеттері:

—         жаңа мақсаттар қоюға, тәжірибелік тапсырманы танымдыққа ауыстыруға қалыптастыру;

—         мұғалім көрсеткен әрекеттері негізінде мақсатқа жетудің талаптарын өз бетінше талдау;

—         мақсатқа жету жолдарын жоспарлау;

—         уақытын өзбетінше бақылау және басқаруды білуі;

—         проблемалы жағдайларда әңгімелесу арқылы шешім қабылдау;

—         әрекеттің дұрыс орындалуын өзбетінше бағалай алуы және орындалу барысында және соңында қажетті өзгертулер енгізу.

 Коммуникативті әмбебап оқу әрекеттері:

—         ынтымақтастықта әртүрлі пікірлерді ескеру және әртүрлі бағытта дәлел келтіруге талпыну;

—         өз ойы мен бағытын қалыптастырып, дәлелдер келтіру, ынтымақтастықта ортақ шешім қабылдау кезінде серіктестіктердің бағытымен сәйкестендіру;

—         шешім қабылдап, таңдау жасамас бұрын әртүрлі көзқарастарды салыстыру.

 Танымдық әмбебап оқу әрекеттері:

—         жобалау – зерттеу негіздерін жүзеге асыру;

—         зерттеу барыснда ашылған құбылыстарды, процестерді, байланыстар мен қарым – қатынастарды түсіндіру;

—         мұғалім жетекшілігімен тәжірибе және бақылау жүргізу;

—         мәселені шешу тәсілдерінің нәтижелілерін таңдау.

 5 сынып

6 сынып