Ең үздік ауыл
Тлеужанов Асылбек Амантайұлы
Ақтөбе облысы Шалқар ауданы
Қызылту негізгі мектебі
География пән мұғалімі
Құрметті әріптестер сіздерге ұсынып отырған жобамды өз игіліктерінізге пайдаланыңыздар!
Жақсы іс – жақсылық жаршысы
«Ең үздік ауыл»
интеллектуалдық сайысы
Сайыстың мақсаты:
– ойы жүйрік, танымдық деңгейі жоғары интеллектуалды ауыл жастарының дарынын ашу,белсенділігін арттыру, білімін көтеру
– Үздік ауылды анықтау
– Селолық округтердің тыныс тіршілімен таныстыру
Сайыстың шарты:
І тур – Таныстыру (3 мин)
ІІ тур – Өз өнері (5 мин)
ІІІ тур – Бейнебаян (5-7 мин)
ІҮ тур – Сұрақ – жауап (3 мин)
Ү тур – Капитандар сайысы (3 мин)
ҮІ тур – Портфолио
Қатысатын командалар: 12 селолық округ
Керекті құрал жабдықтар: банер, шарлар, проектар, ту т.б
Сайыс шарттарына түсінік беру:
І тур – Таныстыру Бұл турда командалар келіп тұрған ауылдарын және өздерін таныстырып өтеді. Таныстыру слайд, стенд, өлең т.б түрінде болады
ІІ тур – Өз өнері Бұл турда команда мүшелері толық құрамда өз өнерлерін көрсетуі керек. Жанрға шектеу жоқ
ІІІ тур – Бейнебаян Ауыл жастарының ұсынысы мен тілектерінен құралған бейнебаян. Сондай-ақ бейнебаянда мыналарды қамтуға болады: Қазақстанның дамуы оның ішінде ауылдың дамуы, Президент жолдауларының ауылда орындалуы, қазақтың салт дәстүрлері (бастаңғы, алтыбақан), түрлі жиналыстар, кедесулер т.б
Ескерту: бейнебаянға қатысқалы тұрған топ мүшелері түсе алмайды, негізінен ауылдағы жастарды кеңірек тарту
ІҮ тур – Сұрақ – жауап Аудан тарихына, белгілі тұлғалардың өмірі мен қызметіне байланысты. Әр команда 2 сұраққа жауап беруге мүмкіндігі бар
Ү тур – Капитандар сайысы (Турдың сұрағы құпия болуы керек)
Бұл турдағы басты мақсат жастардың оратрлық деңгейін, саяси сауаттылығын арттыру.
Сұрақтар мынадай көлемде болуы мүмкін:
Егерде мен әкім болсам … жас отбасы
Егерде мен әкім болсам … зейнеткерлер
Егерде мен әкім болсам … Қазақстандағы саяси жағдайды
ҮІ тур – Портфолио
Жеңімпаздарды марапаттау:
Бас жүлде – біреу
І орын біреу
ІІ орын біреу
ІІІ орын біреу
Екі номинация белгілеу