Ақтөбе облысы Шалқар ауданы
Ә.Жангелдин атындағы орта мектептің
тәлімгері Махамбетова Айнұр
Тақырыбы: «Анаға қарап қыз өсер»
9-10 –сыныптың қыз балалары және аналарымен өткізілген кеш
Жүргізілу барысы:
-Бүгінгі «Анаға қарап қыз өсер » атты кешіміздің мақсаты -қыз бала- болашақ ана десек , қазіргі қоғамдағы қыз бала мен ананың арасындағы , жеңге мен қайынсіңілінің арасындағы қарым –қатынас кәдімгі қазақы отбасындағы қыз баланың ибалығын , әдемілігін ,жүріс тұрысының , бой түзеуінің бір кепілі десек болады .Осы мақсатта келесі кезекті әнге берейік
Ән: «Қазақ қыздары»
«Аяулы ару қыздар көрікті көктемдегі,
Тамаша сіздерменен өмірдің өткелдері
Жанарды жалт еткізіп, біздерге қараңыздар
Осылай көңілдерге шуақ боп тараңыздар»демекші
Бүгінгі дөңгелек үстеліміздің шарттарымен таныс болыңыздар .
І Ситуациялық қөрініс : 9-10 сынып қыз балаларының дайындап келген көрінісін тамашалай отырып . Осы көріністің аяқталуын немесе осы көріністегі жағдайларды аналардың ролінде қалай жалғастыруын қамту немесе өздерінің ой — пікірлерін айтып ситуациядан шығу.
Аналар сахнаға шығып осы көрініс бойынша өзінің ой пікірлерін айтады .
ІІ Аналарға сұрақ.
«Ей ,өмір, неткен сонша жылдам едің?!
Кеше ғана мен сабақ тыңдап едім
Балалығым атымды ойып жазған
Парталарым орнында тұр ма менің ?
Жас талдар жапырақ жайғасын
Естілмей кетті — ау ертектер,
Парталас қыздар қайдасың
Қайда екен , қара тентектер» демекші сіздер де бала болдыңыздар, бой жеткен болып бой түзедіңіздер , сіздердің алған тәлім — тәрбиелеріңіз, киім киістеріңіз , жүріс- тұрыстарыңыз қандай еді , қазір — ХХІ ғасыр айырмашылық өте көп , бұған не дер едіңіздер ?
Аналардың пікірі :
ІІІ Аналарға арнау
«Жазығы кең, пейілі кең ,
Кім сүймейді , даласын
Сол даладай мейіріммен
Аялайсың анашым
Айбынымдай асқар Алтай
Перзентіңе панасың,
Сенсің бейбіт Фатимадай
Бекзат туған анашым .
десек, әр қыз бала өзінің анаға деген махаббатын ,сүйіспеншілігін қара сөзбен немесе жүрекжарды өлеңмен жеткізу.
9-10 сынып оқушы қыз балалары анаға деген жүрекжарды лебізін тамаша сезіммен жеткізеді.
Тренинг: «Қарлы кесек» -/ширату үшін жасалады/
ІV . Сынып жетекші -екінші ана.
«Көп ойлап бұрынғыша бала жайын,
Жүрсіз бе , сау – саламат жан апайым ,
Тек сізге арнап сәлем жолдаушы бұл
Өзіңіздің қолда өскен құралайың» демекші бүгінгі кешімізге 9-10 сынып қыз балаларының сынып жетекшілері қатысып отыр . Әр сынып жетекші өз сыныбындағы қыз балаларды әдемі сөздермен, теңеумен психологиялық тұрғыда жеткізу яғни мақтау .
- Сынып жетекшілердің қыздарын жекелеп мінез – құлқын , жүріс- тұрысын , әдемілігін сипаттауы
- Тосыннан ерекше концерттік номер шығару
Қорытынды
Тренинг: «Шамшырақ аясында» -ыстық лебіздерін білдіру
«Өткен уақыт өлшенетін аралығын
Ғылым үшін жоқ сенің жаңалығың,
Сенде жатқан жалғыз –ақ қазына бар
өзіңде өткен ол – менің балалығым»
деп отырып , «Анаға қарап қыз өсер» атты кешімізді аяқтаймыз . Келелі ой – пікір бөлісіп ,ойларыңызды айтқандарыңызға рахмет.
