Математика әлемі

Қостанай облысы, Рудный қаласы
№ 19 орта мектептің жарты күндік шағын
орталық тобының тәрбиешісі
Бугенбаева Тажида Асанбайқызы. Еңбек өтілі 11 жыл

Білім беру саласы:  Таным»
Ұйымдастырылған оқу іс – әрекеті: Математика
Тақырыбы: Математика әлемі
Мақсаты: Балаларға  математика  ұғымдары  туралы   түсінік    беру. Геометрикалық  пішіндер, сандарды санау, пішіндерден  көрініс құрастыру  іскерлік дағдыларын бекіту. Ойлау қабілетін ,есептеу білімін кеңейту .
Әдісі: түсіндіру, сұрақ –жауап, ойын, көрсету.       Көрнекіліктері : желім, қағаздар, пішіндер, құстар.

Мотивациялық – қозғаушылық:

Шаттық шеңбері:

 

Армысың –асыл күн,

Армысың –асыл жыр,

Армысың –көк аспан,

Армысың –жан достар?

Жылуыма жылу қос,

Міне менің қолым! (балалар қол ұстасады)

 

Тәрбиеші :

Қане ,балалар, қолымыз жылы ма екен, жұмсақ па екен?

 

Балалар жауабы:  ия

 

Олай болса, әрдайым осылай бір-бірімізбен жылы, жұмсақ болайық.

 

Ғажайып сәт:

Біз үйде нешеуміз?

Кел екеуміз санайық.

Бас бармақ-әкем,

Балан үйрек –анам,

Ортан терек –ағам,

Шылдыр шүмек-мен,

Кішкентай бөбек – мен.

 

Тәрбиеші :

Бес саусақ біріксе не болады?

Балалар:

Күш болады.

Тәрбиеші:

Ендеше бес саусақтай бірігіп, сабағымызды бастайық.

 

Ұйымдастыру – іздестіру:

-Балалар, қане маған 5-ке дейін санап беріңдерші.  Соң ,кері санаймыз . Ендеше біз 10-ға дейін  ауызша  санай аламыз ғой, солайма? Қане санамақ білетін балалар болса,орындап беріңдерші.

 

Бір –дегенім  белдік,

Екі –дегенім  ерлік,

Үш –  дегенім үзік,

Төрт – дегенім түбіт,

Бес –дегенім  балта,

Алты –дегенім алқа,                                                                                                                        жеті – дегенім желкен,

Сегіз –дегенім семсер,

Тоғыз – дегенім тоқу,

Он –дегенім оқу.

 

Біз  сабағымызды бастамас бұрын  сендерге айтарым бар.

Қазір қай мезгіл?                                                    – Көктем.

Көктемде қандай өзгерістер болады?                  – Күн жылиды , құстар келеді.

 

Ендеше  тақтадағы  құстарды  көрдіңдер ма?     -ия

Осы құстарды көктем айы  біздерге  қонақ ретінде жіберіп отыр. Құстарға өз білімізді көрсетеміз.

Қане балалар менің қасыма келіңдерші.   «Ағаштағы құстар»

2+2=4         4+1=5      3+1=4    1+1=2    5-4=1     3+2=5

 

Қонақ құстарға ұя жасап береміз ба?

Ендеше , пішіндерді көрсетемін.

Мынау  қандай пішін?                                   -үшбұрыш

Ал , түсі қандай?                                           -сары

Ал ,мынау қандай пішін?                              -төртбұрыш.

Ал ,түсі қандай?                                            -қызыл.

 

Танграмм  ойыны:  «ұя жасау»

 

Партаның үстіндегі конвертті ашып , ішіндегі пішіндерден  ұя құрастырып, желіммен жапсырамыз.

 

Сергіту сәті

 

Орманға аңшы келді , топ-топ-топ,

Бір кезде үйрек ұшты , соқ-соқ-соқ.

Үйрек ұшты, ұшты, ұшты.

Бір кезде үйрек жерге қонды.

 

 

Үлкен – кішіні салыстыру.

Әр балаға қағаз тарқату, соң  үлкен-кіші ұя беріп  ,  екі ағашқа көлеміне қарай орналастыру керек.

 

Балалар сендер санауды , есептеуді , пішіндерді , үлкен –кішіні  біледі екенсіңдер . Сендерге құстар әлемі дән риза  болып жатқан  шығар. Олардың одан да көп  қуануы үшін біз  үлкен ұя  жасадық . енді  оларды  орналастырайық .

Ұяға  құстарды  қондырады.

 

 

 

Дидактикалық  ойын : «ұқсасын тап»

Мақсаты :балалардың  ойлау  , көру  ,  ажырата  алу  қабілеттерін  дамыту.

 

Шарты :барлық  балаға бірдей   сурет  беріп,  соның  ішінен  бірдейін табу.

 

Рефлексивті  түзету :   тосын – сый.

Балаларға  құстардың  сыйлығы  «конфеттер»  тарқату.

 

Күтілетін  нәтиже: балаларда  математика  туралы қызығушылық  қалыптасады.

                                 Пішіндерден  әр –түрлі  зат  құрастыруға  болатынын  меңгереді.

Құстарға  қамқор  болу  туралы  ой қалыптасады.