VisualBasic бағдарламасында «Электронды көбейту кестесі» жобасын даярлау

Маңғыстау облысы, Ақтау қаласы,
«№11 мамандандырылған физика — математикалық мектебі» ММ
І санатты информатика пәні мұғалімі Батқамбаева Ізбибі Далабайқызы

ХХІ – ғасыр  — жаңа  технология  мен  ақпараттану  ғасыры. Тәуелсіз  Қазақстан да  сол ғасырға  нық  қадам  басты.  Ел  өмірінің  барлық  саласы   компьютерлендіріле  бастады. Қазіргі  күннің  талабына  сай   ақпараттық технологиялар  мүмкіндіктерін  пайдалана  білуіміз  керек.

Соңғы  кездері  программалауға  қызығушылық  күрт  артты. Бұл ақпараттық  технологияның   дамуына  және  оның  қоғамның  күнделікті  өміріне   кеңінен  енуіне  байланысты. Егер  адам   компьютермен  жұмыс  істесе  , онда  ерте  ме, кешпе, программалауға  деген  талпынысы  пайда  болады. 

Бұрыннан  қалыптасқан  пікір  бойынша Basic тілі   игеруге   және  пайдалануға  оңай  әрі  қарапайым программалау  құралы  болып  есептелінеді.Компьютерлік  технологияның  алғашқы  пайда  болған  кезінде  Basic тілі   қарапайым  программаларды  құру  үшін  жасалған   күрделі  және  әмбебап тілдерге  біртіндеп  өту   алдыңғы  программалау  негіздерін  үйрететін  оқыту  тілі  ретінде   пайдаланылды.

Қазіргі  кезде  Basic тілінің  Microsoft VisualBasic for Windows   сияқты  нұсқасы  өзінің  дамуын  жалғастыруда, ал Windows  операциялық  жүйесі  үшін  жыл  сайын  VisualBasic6  жобалау  жүйесінің жаңа  нұсқалары(ең соңғысы 6- нұсқа)  шығарылуда .
VisualBasic тілі  — программалаудың  ең  танымал  тілдерінің  бірі .

Адам  мәдениетінің   маңызды  элементі  болып  саналатын  математика  саласындағы   көбейту  кестесін  VisualBasic ортасында  даярлап,    компьютерлендіру   процесіндегі   көбейту  кестесін  визуалды  ақпарат  түрінде  үйренуге  болады.
«ЭЛЕКТРОНДЫ КӨБЕЙТУ КЕСТЕСІ» бағдарламасы  бастауыш  сынып оқушыларының   көбейту  кестесін  меңгеруге арналған . Бағдарламада  кобейту  амалдарының компонентері және ауыстырымдылық қасиеттері туралы  айтылған.

Презентация  түрінде  көбейту  кестесін  өз бетімен  орындау  арқылы   оқушы  өз  білімін  шыңдай, пысықтай  түседі.  Бағдарлама  соңында  көбейту  кестесін  оқушы автоматты  түрде  көбейткішке  мән  беру  арқылы  орындайды.