Жаңалықтар

Жаңадан сайланатын мемлекет басшысына ақтық деміміз қалғанша қызмет етеміз

Әскери институттың курсанттары алғашқылардың қатарында өз дауыстарын берді

Радиоэлектроника және байланыс әскери-инженерлік институтының курсанттары алғашқылардың қатарында Қазақстан Республикасының Президентін сайлауға қатысып, өз дауыстарын берді. Әскери оқу орнының аумағында таңғы сағат 7-ден бастап сайлау құқықтарын пайдалана отырып, ел президенттігіне үміткерлердің біріне таңдау жасады.

  • Президенттік сайлау – еліміз үшін маңызды қадам. Жаңа президент жаңа бастама, тың серпін әкелетініне сенімім мол. Болашақ офицер ретінде жаңадан сайланатын мемлекет басшысына ақтық деміміз қалғанша қызмет етеміз деп ант етемін, — деді курсант Қанат Дастан.

Әскери институттың тұрақты құрамы мен олардың отбасы мүшелері де конституциялық құқықтарының негізінде сайлауға қатысты. Барлығы РЭжБӘИИ-ден жалпы сайлау учаскелеріне 1500-ден астам адам келмек.

  • Дауыс беру Қазақстан Республикасының заңнамаларына сәйкес ұйымдасқан түрде өткізіліп жатыр. Жеке құрамның барлығы сайлауға белсенді түрде қатысуда, – деп атап өтті Радиоэлектроника және байланыс әскери-инженерлік институтының бастығы генерал-майор Асқар Мұстабеков.

Атап өтерлігі, сайлауға дайындық барысында РЭжБӘИИ-де ҚР президенттігіне үміткерлер туралы мәліметтер ақпарат тақтасына орналастырылған болатын.

РЭжБӘИИ баспасөз қызметі
Фото Е.Алибаевтыкі

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.