ULAGATTY USTAZ

Latyn álipbıi – máńgilik eldiń rýhanı jańǵyrýy

Aqtóbe qalasy, Jańaqonys aýyly
№ 69 JBBOM bastaýysh synyp muǵalimi
Kenjına Saltanat Shynbýlatovna

Rýhanı jańǵyrý «Biz aldaǵy ýaqytta da memlekettik tildi damytý baǵytyndaǵy keshendi jobalardy júzege asyrýdy tabandylyqpen jalǵastyra beremiz. Qazaq alfavıtin 2025 jylǵa qaraı latyn grafıkasyna kóshirýge daıyndyq jumysyn osy bastan qolǵa alý qajet. Bul qazaq tilin jańǵyrtyp qana qoımaı, ony osy zamanǵy aqparattyń tiline aınaldyrady» KZ Prezıdenti N.Á.Nazarbaevtyń Joldaýynan

Latyn álipbıine kóshý – rýhanı jańǵyrý talaby. Osy oıyn Elbasymyz «Bolashaqqa baǵdar: rýhanı jańǵyrý» atty maqalasynda qazaq tilin latyn álipbıine kóshirý máselesi jan-jaqty qarastyrylyp, 2025 jylǵa deıin tolyqtaı kóshirý josparlanǵan bolatyn. Elbasy óz maqalasynda «…qazaq tilin birtindep latyn álipbıine kóshirý jumystaryn bastaýymyz kerek. Biz bul máselege neǵurlym dáıektilik qajettigin tereń túsinip, baıyppen qarap kelemiz jáne oǵan kirisýge Táýelsizdik alǵannan beri muqııat daıyndaldyq» – dep qazirgi jahandaný zamanynda keıingi urpaq jastarymyzdyń biliminiń keńeıip, ǵylymı jetistikterge qol jetkizý úshin óte qajet ekendigin basa aıtady
Bilim, ǵylym, óndiris salasyna enip jatqan jańa tehnologııalarǵa latyn álipbıi arqyly qol jetkizemiz. Sondyqtan latyn álipbıine kóshýmen halyqaralyq aqparattyq keńistikke shyǵý jeńildeıdi, ıaǵnı, ǵalamtor júıesin halqymyzǵa ana tilinde meńgerýge jol ashylady. Qazir bárimizdiń kózimiz ashyq, kókiregimiz oıaý, birneshe tildi bes-alty aıdyń ishinde qoryqpaı, erkin úırenip alyp jatqanda, ana tilindegi dybystardy basqasha tańbalaýdy ǵana meńgerip alý búgingi jas urpaqqa kóp qıyndyq keltirmeıdi. Ári búginde uıaly baılanystaǵy habarlamalardyń kóbi osy grafıkamen jazylýda.
Qazaq tili jazýynyń latyn álipbıine kóshýi, birinshiden, zaman talaby, ekinshiden, latyn álipbıi jahandaný úderisinde órkenıetke jol ashyp, túrki álemimen birigýge negiz bolady, úshinshiden tarıhtyń tálkeginen dúnıeniń tórt buryshyna tarydaı shashylyp ketken qazaq halqy úshin latyn álipbıi olardyń rýhanı birligi men dúnıetanymynyń tutastanýyna alyp keletin birden-bir sara jol bolyp sanalmaq. Qazaq eli ómirsheń bastamalarymen túrki halyqtarynyń tarıhyn, rýhanı jáne mádenıetin, ádebıetin, tilin, dilin jan-jaqty, tereńdetip zertteý de aıyryqsha súbeli jumystar jasap jatyr. Táýelsizdikke qoly jetken qazaq halqy ulttyq mádenıet qundylyqtaryn jańǵyrtyp, ulttyq tiliniń tarıhyn, qaınar-kózderin izdestirýde. Álemdegi jahandaný prosesine sáıkes túrki elderi de ózderiniń ulttyq tarıhynyń túp negizin tereńinen zerttep, ózara birigý úrdisi de kúsheıe túsýde.
Sondyqtan, Máńgilik El muratyna umtylǵan Qazaqstan halqynyń ulttyq kodynyń negizi sanalatyn rýhanı jańǵyrýdyń negizi latyn álipbıine kóshý – elimizdiń álemdegi órkenıetti memleketterdiń qatarynan tabylýynyń kepili bolyp sanalady.

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.