Сақтардың тәуелсіздік жолындағы күресі

Қызылорда облысы,  Арал ауданы,
Қамыстыбас ауылындағы № 21 орта мектептің
тарих пәнінің мұғалімі
Рзағазиева Райхан Бақытқызы

Қазақстан  тарихы  6 сынып        Ашық  сабақ

Сабақтың  тақырыбы: Сақтардың  тәуелсіздік  жолындағы  күресі.

Сабақтың  мақсаты:  Сақ  патшайымы  Томиристің  табандылығы, ерлігі, парсы   патшасы  I Даридің  сақ  жеріне   шапқыншылығы  жөнінде  түсінік  беру.

Тәрбиелік  мәні: Ұлтжандылыққа ,  елін  қорғауға,  қадірлеуге үйрету.

Дамытушылық  мақсаты: Томирис  патшайым және  Шырақ  сияқты  батыл  әрі  патриот  азаматтар  жайында  олардың  ерліктерін дәріптей  отырып, оқушының  ой өрісін  дамыту.

Сабақтың  түрі:  Жаңа  білім  беру

Сабақтың  әдісі:  Баяндау,  озіндік  жұмыс, ізденіс, сұрақ-жауап.

Сабақтың  көрнекілігі:  Карта,  интерактивті  тақта, Томиристің  суреті, сөзжұмбақ.

Сабақтың  барысы:

1)      Ұйымдастыру  кезеңі

2)      Жаңа  сабақ

Сақтардың  тәуелсіздік  жолындағы  күресі.

1)      Тірек  сызба    ( Тайпа, Жауынгер, Досқа  адал, Дұшпанға  қатал, Ирандықтар , Парсылар, Гректер)

2)      Сақ  тайпаларының  қоныстануы.

№	Сақ  тайпаларының  аты	Міндеттері
1	Теңіздің  ар  жағындағы  сақтар (парадария)	Қара  теңіздің  солтүстігі, Арал  теңізінің   маңы, Сырдария  мен Амударияның   төменгі  ағысы
2	Шошақ  бөрік  киетін   сақтар (тиграхауда)	Сырдарияның  орта  ағысы. Тян-Шаньда. Жетісуда
3	Хаома  сусынын  дайындайтын  сақтар	Мұғраб  аңғарында  өмір  сүрді

3)      Сақтар  туралы  әлем  тарихшыларының  ой – пікірі.

1. Грек  тарихшылары. Сақтар, батырлар, жауынгерлер, «дұшпанға  қатал» , досқа – адал болған.
2. Грек  авторы  Фтесий: Сақ  әйелдері  ержүрек  келеді, соғыс  қаупі  төнгенде   ерлеріне  көмек  көрсетіп  ұрысқа  араласады,-деп  баяндайды.
3. Рим  тарихшысы  Квинт  Курций Руф.  Сақтардың  көктен  түскен  сйқырлы  сыйы  бар екендігі  туралы  былай  дейді.

Соқа  мен  қамыт – егіншілерге

Найза  мен  садақ – сарбаздарға

Жайпақ  тостаған  – абыздарға  арналған

1. Грек  тарихшысы  Полиғы: Шырақ  есімді  бір  сақ  жауынгері  өзінің  денесін  өзі  жаралап, сақ  көсемдерінен  жәбір  көрген  етіп  көрсетеді, сүйтіп   парсы  әскерлерін  адастырып, сусыз  шөл  далаға  апарып  қырады, -деп  жазады.
2. Сақ  патшайымы  Томирис  пен   парсы  патшасы Кир  арасындағы  соғыс

Томиристің  Кирге  жолдаған  хаты:

Қанқұмар  Кир!   Жеңіске  желікпе! Сен  менің  ұлымды  қару  құдіретімен  жеңген жоқсың. Шарап ішкізіп,  аладап  барып, пенде  еттің.  Айла-амалмен  біраз  жауынгерімді тұтқын  қылғаныңды  қанағат тұтып,  менің ұлымды өзіме  қайтарып  берде, есен-сауыңда  жөніңді  тап. Егер  олай  етпесең, Тәңір  атымен  ант  етемін, қанға  қанша тойымсыз  болсаңда, адам  қанын  сусының  қанғанша  ішкіземін! Делінген еді.

Қорытынды: Сұрақ-жауап

Бағалау

Үйге  тапсырма: Сақтардың  тәуелсіздік жолындағы  күресі. Грек  тарихшысы Полиенің  Шырақ  жөніндегі  естелігі.