Без рубрики

ВОЛЕЙБОЛ ОЙЫНЫ

Қызылорда облысы, Қазалы қаласындағы №8 кәсіптік лицейдің
ІІ санатты дене тәрбиесі пәнінің оқытушысы
Ерғазы Бақтияр Махмуджанұлы

 Сабақтың мақсаты:

А) білімділік: Оқушыларға волейбол ойынының ережелерін, ең негізгі әдістерін үйрету;

Ә) дамытушылық: Оқушылар бойында арнайы дене жаттығулары арқылы шеберлікті шыңдауға ептілік пен икемділік, шапшаңдық қасиеттерін дамыту;

Б) тәрбиелік: Оқушыларды ұйымшылдыққа, салауатты өмір салтын ұстануға тәрбиелеу.

Сабақтың түрі: аралас сабақ

Қолданылатын құралдар: Волейбол доптары, ысқырық, волейбол торы, диапроектор т.б.

Пәнаралық байланыс: Математика

 

САБАҚ БАРЫСЫ:

І. Ұйымдастыру кезеңі: 2 -3 мин

Сапқа тұрғызып мәлімдеме беру;

Оқушыларды түгелдеу;

Сабақ мақсатын түсіндіру.

 

ІІ. Дайындық бөлімі: 10 – 12 мин

Саптағы бұрылу жаттығулары:

«оңға бұрыл!», «солға бұрыл!», «кері бұрыл!», «сол иықпен алаңды айналып алға қадам бас!»

 

Жүру бағытында орындалатын жаттығулар:

—          қол жоғары, аяқтың ұшымен жүру;

—          қол белде, өкшемен жүру;

—          қол желкеде, жартылай отырып жүру;

—          қолымызды иыққа қойып алға, артқа айналдыру.

 

Жүгіру бағытында орындалатын жаттығулар:

—          тізені жоғары көтеріп жүгіру;

—          өкшені жамбасқа лақтыра жүгіру;

—          артпен жүгіру;

—          жай жүгіру;

—          тыныс алу жаттығулары

ІІІ. Негізгі бөлім: 20 – 25 мин    

 (Волейбол ережесін меңгерту: 10 – 12 мин)

 

Волейбол — спорттың кең тараған ойындардың бір түрі. Тіпті, су бойында жағажайда да жарыстар өткізіледі.

Волейбол ойынының қозғалысы адам баласына аса пайдалы табиғи қозғалыс пен дене мүшелерінің қимылынан жүгіру, жүру, секіру, лақтыру, т.б. жаттығулардан тұрады. Бұл ойынды он жасар баладан бастап қай жаста болмасын, бәрі ойнай береді. Сондықтан да, волейбол дене тәрбиесі пәні жаттығуларының бірі ретінде ең тиімді де ағзаға пайдалысы болып табылады. Волейбол ойыны адамның көңілін шаттандырып, іскерлікті арттырады.

 

 

Допты жоғары және төменнен екі қолмен қабылдауды меңгерту

 

 

* Оқушылар бір-біріне бетпе-бет қарап арақашықтық 6-7 м, допты жоғары лақтырып, қайтадан қабылдап, арықарай қарсыласына көтеріп беру.

* Бір оқушы допты жоғары көтеріп, қарама-қарсы құрбысына береді. Құрбысы допты қолын көтеріп қабылдап, қайта береді. Арақашықтық 7-8м. Допты қарсыласының қолына дәл беру керек.

* Оқушы допты еденге ұрып құрбысына береді, құрбысы допты жоғарыдан қабылдап, ұстап қайта береді.

Допты төменнен қабылдауды меңгерту

 

*  Ойыншының екі қолмен төменнен допты қабылдау тұрысын үйрету. Қол түзу тізені бүге сол немесе оң аяқты жарты қадам алға.

*  Бір оқушы құрбысының қолына береді, ол допты төменнен екі қолмен қабылдап, қайта береді.Допты дұрыс қабылдауын қадағалау.

*  Арақашықтық 8-10 м оқушылар қарама-қарсы тұрып, бірінші номерлі оқушылар доптыжоғарыдан қабылдап, екінші номерлі оқушылар допты төменнен қабылдау.

 

Үйретілген әдістер бойынша жаттығу ойыны:  10 – 12 мин

  • допты төменнен  беру тәсілі
  • допты жоғарыдан беру тәсілі
  • допты шабуылдап соғу тәсілі

 

 

ІҮ. Қорытынды бөлім: 1 – 2 мин

Оқушыларды тынықтыру;

Сапқа тұрғызу;

Қателіктерін айту, мадақтау, бағалау.

 

Ү. Үйге тапсырма беру: 1 – 2 мин

«Волейбол» ойынына қатысты тест сұрақтары

 

1. Волейбол алаңының көлемі:

А) 12х4                        В) 9х18                         С) 26х16

2. Волейбол ойынында бір командада неше ойыншы болуы керек?

А) 9                              В) 6                               С) 5

3. Волейболда допты ойынға қосу аймағы:

А) 3                              В) 5                               С) 1

4. Волейбол добының салмағы:

А) 160 г                       В) 260г                          С) 350г

5. Волейбол ойыны кезінде командада неше реттен қолды артық тигізуге болмайды?

А) 4                              В) 3                               С) 1

Пән оқытушысы:                    Б. Ерғазы

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.