Жаңа сабақтар

Куттыбаева Жанабике Менлихановна

Қарағанды облысы, Теміртау қаласы «№20 «Әдемі» балабақша Денешынықтыру мұғалімі: Куттыбаева Жанабике Менлихановна

Тақырыбы: Көңілді сайыстар

Білім беру саласы: Денсаулық. Бөлімі: Денешынықтыру.

Негізгі қимыл-қозғалыстар: қолды белге қойып, қапталға қосалқы адым жасап гимнастикалық орындық үстімен жүру. Гимнастикалық қабырғамен өрмелеу.

Заттар арқылы қос аяқпен секіру (биіктігі –10 см).

Мақсаты: Баланың денсаулығын қорғау және нығайту, дене тәрбиесіне қызығушылығын дамыту, денсаулық сақтау технологияларын қолдана отырып, қозғалыс қабілеті мен икемділігіне талпындыру.

Міндеттері: қосалқы адым жасауды және биікте тепе-теңдік сақтауды, денесін тік ұстап, басын төмен түсірмеуді үйрету. Аяқтарын кезекпен басып, гимнастикалық қабырғаның бірде-бір кермесін қалдырмай өрмелеу, төмен түскен кезде керменің соңғысына дейін жетіп, жерге жеңіл түсу қабілетін нығайту. Биіктігі 10 см үш зат арқылы ізбе-із секіріп өтуге жаттығу. Ептілік, шапшаңдық пен зейін қою қабілетін дамыту; қозғалыс пен оның суреттегі нұсқасын бір-бірімен салыстыру қабілетін қалыптастыру; бір-біріне құрметпен қарауға үйрету.

Ойын: «Кегельді құлатып түсір».

Мақсаты: Көзбен мөлшерлеу қабілетін дамыту, допты домалатып жаттығу.

Күтілетін нәтиже:

жасайды: орындық үстіндегі жаттығуларды, гимнастикалық қабырғамен өрмелеу, қос аяқтап секіру жаттығуларын.

түсінеді: карточкаларда бейнеленген спорт құралдарының (гимнастикалық қабырға, орындық, модульдер, кегельдер, доптар) қандай мақсаттарда пайдаланылатынын; карточкалардағы суреттерді қимылмен сәйкестендіру қажеттігін, қосалқы адым жасау техникасын, кегельдерді құлату, гимнастикалық қабырғамен өрмелеу техникасын. қолданады: гимнастикалық қабырғамен өрмелегенде кермелерден дұрыс ұстау қабілетін, биіктігі 10 см заттар арқылы секіру қабілетін, биік жерде тұрақты тепе-теңдік сақтау қабілетін; кеңістікте бағдар табу және саптағы өз орнын жылдам табу қабілетін.

Құралдар мен материалдар: биіктігі 10 см жұмсақ поролон текшелер – 6 дана, бала санына қарай диаметрі 20 см доптар, бала санына қарай кегельдер, гимнастикалық қабырға, биіктігі 20 см гимнастикалық орындықтар – 4 дана, тапсырма жазылған карточкалар (гимнастикалық қабырға, гимнастикалық орындық, модульдер, кегельдер мен доптардың суреттері бейнеленген), эстафета таяқшасы – 2 дана.

Билингвалды компонент: жарыстар – соревнования, қыз – девочка, ұл – мальчик, сәлеметсіз бе – здравствуйте, сау болыңыз – до свидания

ҰОҚ барысы: І.Ұйымдастыр кезеңі

Жарыс өткізу туралы ұсыныс жасайды: ептілік пен шапшаңдық жағынан ұлдар мен қыздар бір-бірімен жарысады. Тапсырмалары бар карточкаларды көрсетеді.

II. Негізгі кезең.

Ойын түріндегі жаттығу: «Орын алмасу». Залды айналып жүру; «Жүгір!» деген команда берілгенде залды айналып жүгіреді.

Орындық үстінде жалпы дамытатын жаттығуларды орындау.

Негізгі қимылдарды көңілді жарыс түрінде орындайды: №1 карточка.

Негізгі қимыл-қозғалыстарды топтарға бөлініп орындайды.

Бірде-бір кермені қалдырмай, аяқтарын кезектестіре басып гимнастикалық қабырғамен өрмелеу. Дұрыс ұстау: төрт саусақпен үстінен, бас бармақпен астыңғы жағынан ұстау қажет.

Техника қауіпсіздігі – баспалдақтың астына жұмсақ мат жаю қажет.

№ 2 карточка.

Қолды белге қойып, қосалқы адым жасау арқылы гимнастикалық орындықтың үстімен қапталымен жүру.

Жаттығудың орындалу техникасын көрсету (балалардың бірі көрсетеді).

Нұсқау: келесі бала қимылды бірінші ойыншы бірінші орындықтан өткен кезде бастайды.

№ 3 карточка.

Заттар арқылы қос аяқпен секіру (биіктігі – 10 см) (3 текшеден 2 қатар). Секіру жаттығуларын орындау техникасын балалардың есіне салады.

№ 4 карточка.

Қимыл-қозғалыс ойыны:

«Кегельді құлат»: допты домалату техникасын көрсету. Нұсқау: кегельдерге қарама-қарсы тұру.

Ұйымдастырылған оқу қызметі барысында педагог балалармен жеке-жеке жұмыс істейді.

III. Қорытынды кезең (Рефлексия).

Жарысты қорытады. Ұлдардың қыздарға қарағанда күштірек екеніне назар аударады. Сондықтан қыздарды қорғап, оларға қамқор болып жүрулері керектігін айтады.


Зайтуна Есмаганбетова

Добавить комментарий

Этот сайт использует Akismet для борьбы со спамом. Узнайте, как обрабатываются ваши данные комментариев.