День: 23.01.2020

«22» қаңтар 2020 жыл

Алматы қаласы химия-биология бағытындағы Назарбаев Зияткерлік мектебі атынан Директор Мүнкеева Гүльмира Бақытбекқызы және «Қаламгер ТЕН» ЖШС қарасты бұқаралық ақпарат құралдары: http://www.45minut.biz Халықаралық Интернет ресурсы, «45minut.kz Республикалық газеті», «Білім жолы Нұрлы жол» Республикалық журналы атынан Директор Нагиев Изгилик Байдрахманович (бұдан әрі жеке-жеке «Тарап» және бірге «Тараптар» деп аталатындар) арасындағы әріптестік қарым-қатынастарды мойындай отырып, ақпарат тарату саласындағы ынтымақтастықты нығайтуға және одан әрі дамытуға ниет білдіре отырып, ақпараттық серіктестік туралы меморандумға қол қойды.

БАСПАСӨЗ ХАБАРЛАМАСЫ

Орталық Азия университеті мен Қазақстан теңіз университеті БҒМ анықтаған бұзушылықтарды жоймаған

Мемлекет басшысының 2019 жылғы 2 қыркүйектегі тапсырмасын орындау аясында ҚР Білім және ғылым министрлігі Жоғары оқу орындарының сапалы мамандар даярлауды қамтамасыз ету бөлігіне мониторинг жүргізіп жатыр.

Бүгінгі күні Орталық Азия университеті мен Қазақстан теңіз университетінде білім беру саласындағы заңнама талаптарында бұзушылықтар анықталды. Атап айтқанда, ҰБТ-ның шекті балын жинай алмаған немесе ҰБТ сертификаттары жоқ, сондай-ақ, түсу емтихандарының нәтижесі жоқ талапкерлерді қабылдау жағдайлары орын алған.

Аталған университеттерде білім беру үрдісі толығымен сапалы профессор-оқытушылар құрамымен қамтамасыз етілмеген.

Нәтижесінде түлектер еңбек нарығында сұранысқа ие болмай қалады. Кадрларды даярлаудың көптеген бағыты бойынша жұмысқа орналасу пайызы белгіленген нормаларға сәйкес келмейді, яғни 50%-дан кем.

ҚР БҒМ Білім және ғылым саласындағы сапаны қамтамасыз ету комитеті 2019 жылғы 3 желтоқсанда аталған ЖОО лицензияларының қолданылуын тоқтату туралы қаулы қабылдады. Қазіргі уақытта жоғары оқу орындарының Комитет шешімдеріне шағымдануы бойынша сот процестері жүріп жатыр.

ҚР БҒМ баспасөз қызметі