Тақырыбы: «Абайла балақай!»

Posted by

Жақсылықбай Арна Болатқызы

Алматы облысы, Кербулақ ауданы, Байғазы орта мектебі

Мектепалды даярлық топ тәрбиешісі

Тақырыбы: «Абайла балақай!»
Мақсаты: Балаларды жолда жүру ережесімен таныстыру, еске сақтауға үйрету, жол қауіпсіздігін, өз өмірлерін сақтай білуге тәрбиелеу. Жол белгілерін айыра білу дағдыдарын қалыптастыру, жол ережісін білудің маңызды екенін түсіндіру.
Көрнекілік:
Жол ережесі туралы слайд,бағдаршам,жол тәртібі туралы суреттер
Өтілу барысы:
1. Ұйымдастыру кезеңі
Шаттық шеңбері
Құрметті балалар, біз бүгін жолда жүру ережесін қаншалықты білеміз, жол белгілерін айыра аламыз ба, өз өміріміздің қауіпсіздігін сақтай аламыз ба осы тақырыпта ой бөлісеміз.
Мұғалім:
Жалғайтын достастырып бар елменен
Жолдардан тұрады ғой әлем деген
Бүгінгі бізге келген қонақтармен
Ойынымыз басталсын сәлемменен
Бүгінгі «Абайла балақай» атты сабағымызды бастайық балалар.Жол ережесі бізге қызықпа?(жауап)

Ендеше назар аударып тақтаға қараймыз.(слайдта жол сақшысының суреті шығады)Балалар ал қане кім айтад бұл кім?(жауап балалар өз ойларын айтады)

-жол дегеніміз не?

-жол да біз немен жүреміз?

-ал енді балалар қане кім айтады көлік дегеніміз не екен?

Дұрыс айтасыңдар балалар өте жақсы.Ал енді жол жүру ережесі дегенді қалай түсінеміз,біз нені абайлауымыз керек? (жауап балалар өз ойларын айтады)

Енді балалар тақтаға назар аударыңдар қазір мен жолға қатысты мақалдар ,қанатты сөздер оқимын бірақ ол жерде бір сөз жасырынып тұр екен сол жасырын сөзді табайық.

Слайд тан берілген сөздер шығады және балалар жасырын сөзді табады.

Мұғалім:

-Басталар әр қадамың аттауменен

Жол жүру ережесін ……….

-Жол тәртібін білейік

Аман есен ……………

-Қызыл,сары,жасыл,түстен құралған

Бізге көмекші …………..

Мұғалім:

Өте тамаша балалар!Ал енді қанеки кім айтады маған бағдаршам дегеніміз не өзі?

(Оқушылар өз ойларын жеткізген соң слайдта бағдаршам дегеніміз не ережесін мұғалім толықтырып өтеді.)

Келесі суретке назар аударыңдаршы балалар,бағдаршамнын қанша түсі болады?

Қандай-қандай түстері бар?Ал қандай түс жанғанда тоқтаймыз?(слайттағы среттер арқылы балаларға бағдаршам туралы толық мәлімет беріледі)

Мұғалім:

Балалар енді жолда сақ болып абайлап жүру үшін бізде көшеде жолда неше түрлі таңбалар болады екен.Олардың кейбіреуі тыйым салынатындықтың белгісі.Ондай таңбалар өте көп солардың кейбірімен таныстырып кетейін сендерді.

Балар аса назар аударыңдар жолда кез келген қызыл түспен берілген таңба ол тыйым салынады деген сөз екен.Енді келесі суретке назар аударыңдар

Бұл жерде балалар не байқап тұрсыңдар?(балалар өз ойларын айтады мұғалім толықтырып кетеді)

Балалар қараңдаршы мына кісі кім?Ол неге қолын олай сермеп тұр деп ойлайсыңдар?Дұрыс бұл дол нұсқаушы.Бағдаршамның және жол нұсқағыш адамның көмегіне жүгінсек біз аман есен қалаған орнымызға жете аламыз.Жол сақшысы кимин киген оқушы осы қимылдарды қайталайды

Енді балалар бағанадан бері біз сендермен жол ережесін кішкене болсада біліп қалдық енді сол ережелерді іс жүзінде орындап көруге қалай қарайсыңдар?(жауап)

Қанеки ортаға келіп қызыл және көк түсті стикерлерді кезекпен таңдап аламыз.

Таңдалынған түстерге сай балалар екі топқа бөлінеді.Өзара ақылдасып топтың атын қояды.Екі топтыңда мақсаты берілген тапсырмалардан мүдірмей өту. Ендеше бастайық қане екіге бөлініп тұрамыз,мен орталарыңда жүремін осы кабинетімізден спорт залға дейін адымдап абайлап сапты бұзбай жүріп барамыз.

Спорт залға келдік енді екі топ бөлек тұрамыз,біздің сбағымызға әділ баға беру үшін педагог психолог апайларыңды шақырдым ол кісі топтардың ұпайларын санап отырады.Ендеше ақылдасып бірінші тапсырманы орындау үшін араларыңнан бір оқушыны шығарасыңдар.Қанеки кім шығады?

1-тапсырма

Жаяу жүргінші жолына қарай бір көлік беттеп келеді (1-ші топ оқушысы көлікке отырады).Ал жаяу жүргінші жолында велосипед жүргізуші өтпек болады.(2-ші топ оқушысы велосипедте болады).Сұрақ қай көлік бірінші және қалай өтуі керек? (көлік тоқтайды,велосипетші велосипедтен түсіп жаяу өтуі керек)

Дұрыс жауап берген топқа педагог –психолог 1 ұпай жазады.

Енді екінші тапсырманы орындау үшін тағыда топ мүшесінің біреуін шығарыңдар

2-тапсырма

Жаяу жүргінші жолағына қарама-қарсы екі адам тұр олардың қайсысы бірінші өтуі керек?(екеуі де бір мезгілде өтеді)

3-тапсырма

Велосипедші,жеңіл көлік жүргізушісі және жаяу жүргінші келе жатыр бағдаршамның қызыл түсі жанды кім тоқтауы керек?(үшеуіде)

4-тапсырма

Бағдаршам істемей қалған жағдайда жол сақшысы көліктен өте алмай тұрған адамдарды қалай өткізеді?(жол сақшысы кимін киген оқушы көліктерді тоқтатып адамдарды өткізеді)

5-ші тапсырма

Екі топтан екі ден жаяу жүргінші адам шығады.Олар келе жатқанда кенет бағдаршамның түсі өзгереді қызыл немесе сары немесе жасыл түс жанады оқушылар дұрыс әрекет жасаулары тиіс.

Мұғалім: Балалар қанеки тобымыз жиналып тұрамыз,сөзді бүгін сендердің жұмыстарыңды бағалап отырған педагог-психолог апайларыңа береміз.

Педагог-психолог сөйлейді жарыс нәтижесін айтады.

Мұғалім балаларды мадақтайды,бірінші орын алған топқа сыйлық беріліді.

Добавить комментарий